Time сэтгүүлийн "Оны хүн"-ээр Илон Маск тодорчээ

Twitter Print
2021 оны 12-р сар 14-нд 12:10 цагт
Мэдээний зураг,

Time сэтгүүл 2021 "Оны хүн"-ээр SpaceX, Tesla компаниудыг үүсгэн байгуулагч, дэлхийн хамгийн баян хүн болох Илон Маск тодорчээ.

Илон Маскийн сайн найз SpaceX, Tesla компаниудын захирлуудын зөвлөлийн гишүүнээр ажиллаж байсан Антонио Грасиас Time сэтгүүлд өгсөн ярилцлагадаа, "Илон маш хүнд нөхцөлд өссөн, онцгой ухаантай хүүхэд байсан... Тийм нөхцөл байдалтай тулгарсан хүмүүсийн 99.9 хувь нь уг асуудлыг давж гарч чадахгүй. Үлдсэн цөөн хэдэн хувь нь асар их дарамтан дор чухал шийдвэр гаргадаг, хүн төрөлхтний зам мөрийг өөрчлөх гэсэн хязгааргүй их хүсэл зорилго зэргийнхээ ачаар тэдгээр асуудлуудыг давж чаддаг." хэмээн Илон Маскийш тодорхойлжээ.

Илон Маскийн 2002 онд үүсгэн байгуулсан SpaceX компани 2021 оны 9-р сард сансар луу жуулчдыг нисгэж, дан энгийн иргэдээс бүрдсэн сансрын аяллын анхны баг сансарт 72 цагийг жингүйдэлд өнгөрүүлсэн билээ.

Түүнээс гадна Илон Маскийн SpaceX компани өнгөрсөн 4-р сард Америкийн Үндэсний Агаарын тээвэр, Сансрын Нислэгийн удирдлагатай шинэ үеийн саран дээр явагчийг бүтээх 3 тэрбум ам. долларын гэрээг хийсэн юм.

Мөн Tesla компани ирэх жил хиймэл оюун ухаан бүхий "Tesla Bot" нэртэй хүн-роботыг бүтээхээ мэдэгдсэн юм. Форбс сэтгүүлийн судалгаагаар Илон Маск нь 265.4 тэрбум ам. долларын хөрөнгөтэйгөөр дэлхийн хамгийн баян хүмүүсийн жагсаалтыг тэргүүлж байна.

Түүний Tesla компани цахилгаан автомашины зах зээлийн 2/3-ыг дангаараа эзэлж, 1 их наяд ам. доллараар үнэлэгдэж байна.

Өнгөрсөн жил Time сэтгүүлийн "Оны хүн"-ээр АНУ-ын Ерөнхийлөгч Жо Байден, Дэд Ерөнхийлөгч Камала Харрис нарыг нэрлэж байсан билээ.

Эх сурвалж: interfax.ru

Содномцэрэнгийн Энхзаяа

mongolcom.mn

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.