Хакүхо цомд түрүүлсэн хүүхдийг Японы сургуульд тэтгэлэгээр суралцуулна

Twitter Print
2019 оны 10-р сар 12-нд 10:09 цагт
Мэдээний зураг,

Мэргэжлийн сүмогийн 69 дэх аварга Хакүхо М.Даваажаргалын нэрэмжит “Хакүхо цом” сүмо бөхийн өсвөрийн тэмцээн арав дахь жилдээ зохион байгуулагдах гэж байна.

Өсвөр насны хүүхдүүдийн бие бялдрыг хөгжүүлэх, өөртөө итгэх итгэл, хүсэл мөрөөдөлдөө хүрэх тэмүүллийг төрүүлэх зорилготой энэхүү тэмцээнээс шалгаран Япон Улсад амжилттай барилдаж буй залуу бөхчүүдийн тоо жил ирэх тусам нэмэгдэж байгаа нь уралдааны цар хүрээг илтгэн харуулдаг юм. Тус тэмцээн нь дунд сургуулийн 9, 10, 11, 12 болон 13-15 насны хүүхдүүдийн дунд зохион байгуулагдаж, медалийн эздийг тус бүр тодруулдаг.

“Хакүхо цом” тэмцээн нь 10 жилийн ойн хүрээндээ нэмэлтээр багийн барилдааныг зохион байгуулахаар болжээ. Түүнчлэн нэг хүүхдийг Япон улсын сүмо бөхийн сургалттай “Асахига Ока” ахлах сургуульд 100 хувийн тэтгэлэгтэйгээр суралцуулах эрх олгох юм. Тэмцээн энэ сарын 18-нд “Спортын төв ордон”-д болно.

Э.Гүнтөмөр 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.