Жо Байден Д.Трампын шийдвэрийг цуцаллаа

Twitter Print
2021 оны 02-р сар 25-нд 14:37 цагт
Мэдээний зураг,

АНУ-ын Ерөнхийлөгч Жо Байден Ерөнхийлөгч асан Доналд Трампын гадаадын зарим нэг улс орны мэргэжилтнүүдийг АНУ-ын хилээр нэвтрүүлэхгүй байх шийдвэрийг цуцалжээ.

Доналд Трамп АНУ-ын төрийн тэргүүнээр ажиллаж байхдаа коронавирусын цар тахлын үед америкчууд ажлын байраа гадаадын иргэдэд алдаж байна хэмээн үзэн гадаадын зарим мэргэжилтнүүдэд АНУ-д ажиллаж амьдрах виз олгохыг хориглосон билээ. Тэгвэл Цагаан ордноос мэдээлснээр уг шмйдвэрийг Ерөнхийлөгч Жо Байден цуцлах шийдвэр гаргасан ба Д. Трампын шийдвэр нь олон тооны иргэдийн "мөрөөдлөө биелүүлж" АНУ-ын цагаачлалын виз авах боломжийг үгүй хийжээ.

АНУ-ын шинэ засгийн газар Ерөнхийлөгч асан Доналд Трампын шийдвэр АНУ-ыг хохироож, АНУ-ын иргэд болон АНУ-д удаан хугацаагаар оршин суух визтэй иргэдийн гэр бүлийнхэн, ойр дотныхонтойгоо АНУ-ын нутаг дэвсгэрт уулзах боломжийг үгүй хийсэн гэж үзжээ. Түүнчлэн Доналд Трампын шийдвэрийн улмаас олон улсаас ирсэн авъяслаг мэргэжилтнүүд ажилладаг салбарууд хохирол амссан гэдгийг мөн онцолжээ.

Эх сурвалж: Interfax.ru

Содномцэрэнгийн Энхзаяа

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.