Энэ сарын 24-нд болох Ялалтын парадад Монголын цэргүүд оролцоно

Twitter Print
2020 оны 06-р сар 18-нд 13:19 цагт
Мэдээний зураг,

Энэ сарын 24-нд ОХУ-д болох Ялалтын парадад оролцохоор 12 орны цэргийн албан хаагчид ОХУ-д хүрэлцэн ирсэн талаар Ялалтын даралтыг удирдах ОХУ-ын Хуурай замын цэргийн командлагч, генерал Олег Салюков Красная звезда сонинд өгсөн ярилцлагадаа дурджээ.

Түүний мэдээлснээр Ялалтын парадад Азербайжан, Армени, Белорусс, Казахстан, Киргиз, БНХАУ, Молдов, Монгол, Серби, Тажикистан, Туркменистан болон Узбекистаны зэвсэгт хүчнийхэн оролцох аж. Коронавирусын цар тахалтай холбоотойгоор ОХУ-ын Ерөнхийлөгч Владимир Путин 5-р сарын 9-нд болох байсан Ялалтын 75 жилийн ойн парадыг хойшлуулж, 6-р сарын 24-нд зохион байгуулах шийдвэр гаргасан билээ. 5-р сарын 9-нд Оросын томоохон хотуудад агаарын нисэх хүчний парад болж, галт наадмын үзүүлбэрүүд зохион байгуулагдсан юм6

Энэ сард болох Ялалтын парадад цэргийн 13 мянга гаруй албан хаагч, орчин үеийн болон хуучны цэргийн 234 техник хэрэгсэл, цэргийн 75 онгоц, нисдэг тэрэг оролцох аж. Түүнчлэн үзэгчдэд 1945 оны Ялалтын парадны зарим элементүүдийг үзүүлэх ба Ялалтын парадны оркестр 900 хөгжимчдөөс бүрдэх гэнэ. 24-нд ОХУ даяар болох Ялалтын парадуудад цэргийн нийт 64 мянган албан хаагч, цэргийн 2400 машин техник, 20 шумбагч онгоц оролцох аж.

Эх сурвалж: RIA.ru

Содномцэрэнгийн Энхзаяа 

mongolcom.mn 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.