Хүүхдэд коронавирусын эсрэг вакцины тарилгыг дэмжих 9 шалтгаан

Twitter Print
2021 оны 06-р сар 17-нд 09:05 цагт
Мэдээний зураг,

2021 оны 6-р сарын 11-ний өдрийн байдлаар Монгол улсад 0-18 хүртэлх насны 17,060 хүүхэд коронавиурст халдвараар өвчилсөн байгаа ба энэ нь тухайн өдөр манай улсад бүртгэгдсэн нийт 73,896 тохиолдлын 23.09%-ийг эзэлж байгаа юм байна.

Эх сурвалж: Монгол улс дахь коронавирүст халдвар (КОВИД-19)-ын 2021 оны 23-р долоо хоногийн нөхцөл байдлын мэдээ. ХӨСҮТ. №25

ХҮҮХДЭД КОРОНАВИРУСИЙН ЭСРЭГ ВАКЦИНЫ ТАРИЛГЫГ

ДЭМЖИХ 9 ШАЛТГААН

Гадаадын улс орнуудад хүүхдэд чиглэсэн коронавиурсийн эсрэг вакцины эмнэлзүйн туршилт судалгаанууд хийгдэж зарим улс орнууд вакциныг хийгээд эхэлсэн байна.

Америкийн Pediatrics сэтгүүлийн 6-р сарын дугаарт “Хүүхдүүдэд вакцинжуулалт хийх тухай зөвлөмж” нийтлэгдсэн байгааг сийрүүлж оууллаа.

Энэ цаг үе дор дэлхий нийт насанд хүрэгчдийн дунд вакцинжуулалтын явцыг сайжруулснаар COVID-19-ийн тархалтыг тодорхой хэмжээнд бууруулж чадаж байгаа хэдий ч вакциныг эсэргүүцэгч хэсэг бүлэг болон эсрэгбиеийн титр буурах гэх мэт шалтгааны улмаас COVID-19-ийг бүрмөсөн устгахад хэцүү болж, ирээдүйд ч нэг иймэрхүү алаг цоог дэгдэлт эсвэл хааяа цартахал гэсэн хэлбэрээр цаашидч үргэлжилсээр байх магадлалтай байна.

Эдгээр дээр үндэслээд хүүхдүүдийн дунд явагдаж байгаа эмнэлзүйн судалгааны үр дүн бүрэн тодорхой болвол хүүхдүүдэд вакцинжуулалтыг албан журмын болгох нь чухал ач холбогдолтой гэж үзэж, энэ үндэслэлээ дор дурдсан байдлаар гаргажээ.

1. Хүүхдүүдийн халдвар нь ихэвчлэн шинж тэмдэггүй, хөнгөн шинжтэй явагдаж байгаа боловч ховор тохиолдолд хүүхдийн олон эрхтэн системийн үрэвслийн хам шинж (MIS-C) эсвэл уушгины өвчнөөр хүндрэх явдал тохиолдож байна.

2. Хүүхэд халдвар авч, вирус ялгаруулснаар эцэг эх, багш, бусад хүүхдүүдэд халдвар тархаах магадлалтай байна.

3. Хүүхдүүд ихэвчлэн шинж тэмдэггүй халдварлаж байгаатай холбоотой халдвараас сэргийлэх бусад урьдчилан сэргийлэх арга хэмжээнүүд хангалттай сэргийлж чадахгүй байна.

4. Мутант омгийн улмаас урт удаан хугацааны туршид дархлаа бууруулсан ч халдвар болон дахин вакцинжуулалтын хариу арга хэмжээг түргэсгэх боломжтой.

5. Вакцинжуулалтын түвшинг нэмэгдүүлэх болон сүргийн дархлааг олж авахын тулд хүүхдүүдийн вакцинжуулалт чухал шаардлагатай.

6. Англи улсад дэгдсэн шиг мутант хувилбарууд хүүхдэд халдварлах чадвар нь илүү хүчтэй байна.

7. Хүүхэд вакцинжуулалтын хөтөлбөрүүд Олон улсын хэмжээнд халдварт өвчнийг бууруулахад чухал үр дүнд хүрсэн батлагдсан түүхтэй.

8. Хүүхдийн вакцинжуулалтын талаар Олон улсад дэд бүтэц сайн хөгжсөн.

9. Багш нарыг вакцинжуулсаны дараа хүүхдүүдийг вакцинжуулснаар хичээл сургуулиудын нээлтийг түргэсгэх, хүүхдүүдийн идэвхитэй үйл ажиллагааг хэвийн болгох боломжтой гэсэн нийт 9 үндэслэлийг дурдсан байна.

Америкийн Хүүхдийн Анагаах Ухааны Академиас 2020 оны 12-р сар хүртлэх хугацаанд 2 сая гаруй хүүхдийн халдвар бүртгэгдсэн тухай мэдээлж, 22 мужид хүүхдийн халдварын тархалтыг судалж үзэхэд эмнэлэгт хэвтэлтийн түвшин 100 000 хүн тутамд 17.2 байгаа тогтоогдсон байна.

Канад улсад эмнэлзүйн шинж тэмдэг батлагдсан тохиолдлын 1.9%-ийг эзэлж байгаа бөгөөд үүний 7 орчим хувь нь эрчимт эмчилгээнд орсон байна.

5-аас доош насны хүүхдүүдэд хүндрэх явдал цөөнгүй байгаа бол 12-17 насны хүүхдүүдийн дунд хүндрэлийн хувь өндөр байгаа тухай мэдээлэгдсэн байна.

Мөн Кавасаки өвчинтэй төстэй олон эрхтэн системийн үрэвслийн хам шинж (MIS-C) сургуулийн насны хүүхдүүдэд зонхилон тохиолдож, дундажаар 8 орчим насныхан байна гэнэ.

Судалгааны багийнхан дээр дурдсан зүйлүүдээс гадна жирэмсэн эмэгтэйчүүд, ахмад настнуудад халдвар тараахаас урьдчилан сэргийлэх үүднээс вакцины үр ашиг хүүхдэд нотлогдмогц, хүүхдүүдэд вакцин хийхийг албан журмын болгож, үргэлжлүүлэн өргөн хүрээгээр вакцинжуулалтын кампанит ажлыг зохион байгуулах ёстой хэмээн үзэж байгаа юм байна.

Эх сурвалж: Pediatrics. 2021 06;147(6); pii: e2021050531.

Ойдовын Батгэрэл Ph.D

 

 
Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.