Осол гаргасан автобусны жолооч машиныхаа бүрэн бүтэн байдлыг хангаагүй

Twitter Print
2014 оны 06-р сар 25-нд 17:08 цагт
Мэдээний зураг,

Өнгөрсөн амралтын өдөр Төв аймгийн Эрдэнэ сум, Баяндавааны замд гарсан зорчигч тээврийн автобусны ослыг уншигчид санаж байгаа. 6 хүн харамсалтайгаар амиа алдаж, 40 гаруй хүн гэмтсэн. Гэмтсэн иргэдийн эмчилгээ болон нас барагсдын гэр бүлийнхэнд хандив цуглуулахаар залуус ажиллаж байгаа. Мөн Сүхбаатар аймгаас сонгогдсон УИХ-ын гишүүн М.Зоригт энэ халуун сэтгэлийн хандивын ажилд гар бие оролцож байгаагаа өдөр бүр цахим хуудаснаа нийтэлсээр байна. Сүхбаатараас Улаанбаатар чиглэлд явсан зорчигч тээврийн автобусны ослын талаар Нийслэлийн замын цагдаагийн газраас тодрууллаа.

"Автобусны ослын дүгнэлт гараагүй шалгагдаж байгаа учраас тодорхой хариулт хэлэх боломжгүй. Улаанбаатар хотоос гарч яваад осолдсон байсан бол манайх шалгаж мөрдөх байсан. Налайх дүүргийн нутаг дэвсгэрт гарсан учраас тус дүүрэг хэрэг дээр нь ажиллаж байгаа. Жолооч өөрөө тайлбарлахдаа машины бүрэн бүтэн байдлыг хангаагүй байсан гэсэн хариулт хэлсэн байна билээ. Тэгэхээр хуулийн байгууллага нь шалгаад зохих хариуцлага оногдуулна" гэлээ.

 

Х.Хулан

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.