Чэжү аралд аялахдаа заавал үзэх ёстой 11 газар

1. Сон Эб эртний тосгон

Халла аалын бэлд байрлах эртний хэв маягтай Сон Эб тосгон нь Чэжү аралд аяласан хүн бүрийн заавал очих ёстой газруудын нэг юм. 19-р зуунд анх байгуулагдаж байсан Сон эб тосгон нь эртний дүр төрхөө тэр чигт нь хадгалж чадсан бөгөөд нутгийн уугуул иргэд, загасчдын аж амьдралын хэв маяг, соёлыг өөрийн биеэр мэдрэх боломжтой. 1975 оноос хойш тосгоныг зочид, жуулчдад нээлттэй танилцуулах болсон бөгөөд БНСУ-ын засгийн газраас эртний соёлоо хадгалан хамгаалж, өдгөөг хүртэл оршин сууж буй тосгоны иргэдэд тог цахилгаан, сургалтын төлбөрийн хөнгөлөлт олгодог гэнэ.

2. Монголын морин цирк

Монголын морин циркийн үзүүлбэр Чэжү арлы зорьсон зочдын заавал үзэх ёстой нэгэн үзвэр болоод удаж байгаа билээ. Авьяаслаг Монгол залуус өөрсдийн моринд эрэгмий, чадварлаг байдлаа дэлхий нийтэд таниулан сурталчилж, өв соёл, уламжлалаа хэрхэн таниулж буйг та заавал үзээрэй.

3. Акуа Планет далайн парк

Акуа Планэт далайн паркад та 48000 зүйлийн далайн загас амьтан, 500 зүйлийн усны ургамалыг үзэх боломжтой бөгөөд 25,600мкв талбайтайгаараа Ази тивдээ хамгийн томд тооцогддог байна.

4. Донмун зах

1945 онд анх байгуулагдаж байсан Донмун захаас та хайсан бүхнээ олох боломжтой. Шинэхэн загас, далайн хоол, бэлэг дурсгал, хувцас гээд л. Мөн Солонгос улсын нэрийн хуудас болсон түргэн хоолнуудыг бүгдийг нэг дороос амтлах боломжийг танд олгоно.

5. Манжангул агуй /Manjanggul Cave/

Дэлхийн хамгийн урт гэж тооцогдох Манжангул агуй нь 7,4 км урттай, 25м өндөр, 18м өргөнтэй бөгөөд 200-300 мянган жилийн өмнө Гомүнорүм галт уулын дэлбэрэлтийн улмаас үүссэн байна. Агуй нь ерөнхийдөө уужим том боловч зарим хэсэгтээ 1 хүн арай хийн багтах жижигхэн сувгуудтай. Чэжү аралд зочилохдоо та энэхүү агуйгаар заавал нэг зочлоод гараарай.

6. Чөтгөрийн зам

Чэжү арлын тайлагдашгүй нууцуудын нэг “Ер бусын зам” “Чөтгөрийн зам” гэх мэтээр алдаршсан энэхүү зам нь аялагч бүрийн сонирхон очдог газруудын жагсаалтад зүй ёсоор багтана. Эгч өгсүүр замд хөдөлгүүрийг нь унтраасан машин өөрийн инерцээр урагшлах нь гайхмаар.

7. Хайрын цэцэрлэг

Чэжү аралд байх өөр нэгэн сонирхолтой газар бол гарцаагүй Хайрын цэцэрлэг билээ. Хосуудын хайр дурлал, харилцааг өгүүлсэн 140 төрлийн баримал, үзвэрүүдийг сонирхож, цагийг зугаатай өнгөрүүлээрэй.

8. Мөсөн Музей

Аагим зуны халуунд танийг сэрүүцүүлж, бас баясгаж чадах нэгэн үзвэр бол Чэжү арлын мөсөн музейд саатаарай. Мөсөөр хийсэн барималууд 5D үзвэрүүд, 3D ханын зургууд гээд таныг уйдаахгүй олон үзвэрүүд тэнд бий.

9. Чэжү арлын цэцэрлэгт хүрээлэнгүүд

Хэрвээ та тансаг үнэрт цэцэг, ногоон ургамалаар бүрхэгдсэн цэцэрлэгт хүрээнгээр зугаалж, цагийг таатай өнгөрөөхийг хүсвэл Чэжү арал танд маш олон сонголтыг санал болгож чадна.

· Халлим хүрээлэн: 9 өөр төрлийн дүр төрх бүхий хэсгээс бүрдсэн Халлим парк нь Чэжү арлын хамгийн том цэцэрлэгт хүрээлэн бөгөөд дал модны зам, бонсай моддын хүрээлэн, Чулуун цэцэрлэг, халуун орны цэцэгсийн хүрээлэн, агуй зэргээс бүрдэнэ.

· Эколанд: Гэр бүлээрээ аялаж буй хүмүүст илүү зориулагдсан ойн хүрээлэнгээр та 18 дугаар зууны үеийн уурийн галт тэргээр зугаалах боломжтой.

· Илчүл Ланд: Цэцэгсийн хүрээлэн, нуур, усан оргилуур, эртний тосгон, агуй гэх мэт үзэх харах зүйлээр дүүрэн хүрээлэнд та уйдах завгүй цагийг өнгөрөөнө.

10. Лусын дангинасын шоу буюу эмэгтэй шумбагчдын үзүүлбэр

Чэжү арлын уугуул эмэгтэйчүүд ямар ч усны хувцас, шумбалтын хэрэгсэлгүйгээр далайн гүнрүү шумбаж, далайн хоол, сувд зэргийг цуглуулдаг гэж та мэдэх үү? ЮНЕСКО-н соёлын өвд бүртгэгдсэн эдгээр гайхамшигт эмэгтэйчүүдийн үзүүлбэрийг үзэх боломжийг битгий алдаарай.

11. Мөрөөдлийн цамхаг /Dream tower/

Жэжү арлын хамгийн өндөр барилга буюу 169 метр уг хос цамхгийг Dream Tower хэмээн нэрлэдэг. Та уг цогцолборын хамгийн дээд давхрын кафед тухлангаа Жэжү арлыг бүхлээр нь тольдох боломжтой. 38 давхар уг барилгад худалдаа үйлчилгээний төвүүдээс эхлээд алдартай ресторан, гадаах усан сан, мөн 150 ширээ бүхий томоохон казино байдгаараа онцлогтой. Тиймээс та Жэжүд очсон бол Мөрөөдлийн цамхгаар дайраад гарахаа мартуузай. 

Эх сурвалж: juulchin.mn

 

Энэ мэдээ танд таалагдаж байвал LIKE хийгээрэй. Танд баярлалаа.