Л.Мессид Алтан бөмбөг өгсөн нь “ФИФА”-гийн маркетинг

Twitter Print
2014 оны 07-р сар 16-нд 14:39 цагт
Мэдээний зураг,

Аргентиний шигшээ багийн ахлагч Л.Мессид “Бразил 2014”-ын “Алтан бөмбөг” буюу шилдэг тоглогчийн шагналыг гардуулсан нь “ФИФА”-гийн маркетинг байсан хэмээн Диего Марадона хэлжээ. Тэрээр дэлхийн аваргын финалд улсынх нь баг хэрхэн тоглосон тухай өөрийн бодлоо хэвлэлд ярих үедээ ингэж хэлсэн аж. “ФИФА-“гийн энэ шийдвэрийг сайшаахгүй байгаагаа хэлжээ. “Хэрэв болдог бол Мессид диваажинг л өгмөөр байна. Гэвч хүнд авах ёсгүй шагналыг нь өгнө гэдэг буруу шүү дээ” гэж хэлсэн. Гэхдээ “ФИФА”-гийн тэргүүн Зепп Блаттер ч Месси Алтан бөмбөгийн эзэн болсныг мэдээд их гайхсан гэдгээ ярьсан байна. “Месси шагнал авах гээд ирэхэд нь би их гайхсан. Гэхдээ Л.Мессиг шигшээ багаа финал хүртэл сайн удирдсаныг нь үнэлсэн хэрэг байх” хэмээн тайлбарлахыг оролдсон байна.

Энэ цаг үеийн хамгийн алдартай, домогт хөлбөмбөгч гэж зүй ёсоор үнэлэгддэг Л.Месси багаа дэлхийн аварга болгож чадаагүйдээ одоо хүртэл сэтгэл дундуур байгаа. Тэрээр энэ тухай Испанийн сонинд ярихдаа “Одоо надад шагнал сонин биш. Өөр бусад зүйл ч сонин биш байна. Би Аргентинийг дэлхийн аварга болгохын л хүсч байсан. Торгуулийн цохилт хүрэхийн даваан дээр гоол алдсан нь үнэхээр харамсалтай. Бид шигшээд хүрсэн. Гэвч бид боломжоо ашиглаж чадсангүй. Үнэхээр сэтгэл дундуур байна. Маш их уур хилэн төрж байна. Бидэнд гурван ч удаа гоол оруулах боломж байсан. Нэг нь минийх, бас Игуайн, бас Родригос гоол оруулах боломжоо алдсан” гэж хэлжээ.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.