САОРИ ЁШИДА 40 НАС ХҮРЛЭЭ
Эмэгтэй чөлөөт бөхийн домог Японы алдарт тамирчин Саори Ёшида өнөөдөр 40 нас хүрч байна. 2004, 2008, 2012 олимпийн алт, 2016 оны мөнгөн медальт, дэлхийн 13 удаагийн аварга, Азийн наадам болон Азийн 4 удаагийн аварга бүсгүй 1982 оны аравдугаар сарын 5-нд Японы Мие мужийн Цү хотод төрсөн.
Ёшида дэлхийн аваргад хамгийн олон удаа буюу 13 алтан медаль хүртснээр бөхийн төрлийн түүхэнд дээд амжилт эзэмшдэг.
Тэрбээр 2002 оноос хойш олон улсын тавцанд өрсөлдсөн бөгөөд ердөө 3-хан удаа ялагдсан байдаг.
2008 оны нэгдүгээр сард Бээжинд Дэлхийн цомд Америкийн Марси Ван Дусенд, 2012 оны тавдугаар сард Токиод Дэлхийн цомд ОХУ-ын Валерия Жолобова (Коблова), 2016 онд Рио-де-Жанейрогийн олимпийн наадмын финалд АНУ-ын Хелен Марулист ялагджээ. Ёшидагийн олимп, дэлхий, Азийн наадамд ялалт ялагдлын харцаа 89-1.
Түүний олимп, дэлхийн медалиуд:
Олимпийн наадам:
☆ "Афин-2004" - алт
☆ "Бээжин-2008" - алт
☆ "Лондон-2012" - алт
☆ "Рио-2016" - мөнгө
Дэлхийн аварга шалгаруулах тэмцээн:
☆ "Халкида-2002" - алт
☆ "Нью-Йорк-2003" - алт
☆ "Будапешт-2005" - алт
☆ "Гуанжоу-2006" - алт
☆ "Баку-2007" - алт
☆ "Токио-2008" - алт
☆ "Хернинг-2009" - алт
☆ "Москва-2010" - алт
☆ "Стамбул-2011" - алт
☆ "Страткон-2012" - алт
☆ "Будапешт-2013" - алт
☆ "Ташкент-2014" - алт
☆ "Лас-Вегас-2015" - хоёр алт
mglsports.com
Энэ мэдээ танд таалагдаж байвал LIKE хийгээрэй. Танд баярлалаа.
