Туркт нурангин доороос иргэдийг аврах ажиллагаа үргэлжилж байна

Twitter Print
2020 оны 11-р сар 02-нд 12:45 цагт
Мэдээний зураг,

Туркийн баруун зүгт байрлах Измир мужид газар хөдлөлтийн улмаас нурсан байшин барилгуудын доороос иргэдийг эрэн хайх, гаргаж авах ажиллагаа үргэлжилсээр байна. Өнгөрсөн ням гарагт аврагчид нурангин доороос 70 настай нэгэн эрэгтэйг гаргаж авчээ.

Тэрээр нурангин доор 33 цаг болсон байжээ. Өнгөрсөн баасан гарагт Эгийн тэнгисийн эрэг орчим 6.9 баллын хүчтэй газар хөдлөлт болсоны улмаас Туркийн Измир мужид 20 гаруй өндөр барилга нурсан ба 70 гаруй хүн амь үрэгдээд байна. Туркийн эрх баригчид хохирсон иргэдэд нөхөн төлбөр олгож эхэлсэн ба Ерөнхийлөгч Режеп Таийп Эрдоган орон гэргүй болсон иргэд хурдан хугацаанд орох оронтой болоосой гэж найдаж буйгаа илэрхийлжээ.

Газар хөдлөлтийн улмаас орох оронгүй болсон иргэдэд зориулж 3000 гаруй майхан болон 13 мянган орыг бүс нутаг руу илгээсэн байна. Турк улс нь газар хөдлөлтийн идэвхтэй бүсэд байдаг бөгөөд 1999 онд Туркийн баруун хойд зүгийн бүс нутагт хоёр хүчтэй газар хөдлөлт болсоны улмаас 18 мянган хүн амь үрэгдэж байсан билээ.

Эх сурвалж: Euronews

Содномцэрэнгийн Энхзаяа 

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.