Ухаалаг гар утасны зах зээлд "Android" систем тэргүүлж байна

Twitter Print
2014 оны 08-р сар 01-нд 07:11 цагт
Мэдээний зураг,

Өнгөрсөн оны хоёрдугаар хагасын байдлаар дэлхийн зах зээлд худалдагдсан ухаалаг гар утасны 85 хувийг “Android” үйлдлийн системтэй утас эзэлсэн байна.

АНУ-ын зах зээлийн судалгааны “Strategy Analytics” байгууллагаас хийсэн судалгааны дүнг харвал, өнгөрсөн оны хоёрдугаар хагасын байдлаар дэлхийн зах зээлд 249 сая 600 мянган ширхэг ухаалаг утас худалдаалагдсанаас“Android” үйлдлийн систем дээр ажилладаг ухаалаг утас 84,6 хувийг эзэлсэн байна. Энэ нь өмнөх оны мөн үеийнхээс  4,4 хувиар өссөн үзүүлэлт болжээ. Худалдаалагдсан тоо ч мөн 33,6 хувиар нэмэгдэж 186 саяар давсан байна. Харин бусад төрлийн үйлдлийн системээр ажилладаг гар утасны худалдаа буурчээ. Тухайлбал “Apple” компанийн “iOS” үйлдлийн системтэй утасны худалдаа 1,5 хувь. “Microsoft” компанийн “MS” үйлдлийн системтэй утас 1,1 хувь, “Blackberry” утасны худалдаа нэг хувиар тус тус буурчээ. Мөн хугацаанд худалдаалагдсан ухаалаг утасны тоо өмнөх оны мөн үеийнхээс 26,9 хувиар өсчээ.

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.