Японы Үнсгэлжин буюу Японы угсаа залгамжилсан ханхүү эхнэрээ ээжийнхээ хавчлагаас аврахын тулд ордноос гарсан түүх

Twitter Print
2022 оны 12-р сар 01-нд 09:52 цагт
Мэдээний зураг,

Японы Үнсгэлжин буюу Японы угсаа залгамжилсан ханхүү эхнэрээ ээжийнхээ хавчлагаас аврахын тулд ордноос гарсан түүх.

Дайны дараа ирээдүйн эзэн хаан Акихито хоёр мянган жилийн турш үргэлжилсэн уламжлалыг устгасан юм. Хаан ширээ залгамжлагч ханхүү, энгийн нэгэн бүсгүй Мичикод дурлаж, түүнтэй гэрлэснээр, ардчилсан гэгдэх шинэ дадал зуршлыг амьдралдаа нэвтрүүлжээ.

Мичиког энгийн гарал угсаатай "тээрэмчний охин" гэж нэрлэдэг боловч ирээдүйн эзэн хаантай танилцсан нь тийм ч санамсаргүй зүйл биш юм.

Нэгдүгээрт, охины гэр бүл ядуу биш, түүний аав нь тус улсын хамгийн том гурилын үйлдвэрийг эзэмшдэг байсан ч гарал угсаа нь язгууртан биш байсан.

Хоёрдугаарт, Мичико шийдэмгий зан араншигтай, өндөр боловсролтой бүсгүй байсан. Тэрээр шинжлэх ухаанд их цаг зарцуулж, нэр хүндтэй Токиогийн их сургуулийн шилдэг оюутан хэмээх өргөмжлөлтэй суралцаж төгссөн.

Ирээдүйн эзэн хаантай нэгэн тансаг амралтын газрын теннисний талбайд танилцсан. Нийтлэг сонирхол нь тэднийг учруулж хайрын эхлэл нь болсон байна.

60 жилийн өмнө манай гаригийн хамгийн эртний хаант гүрэн энэ хоёр залуугийн харилцааг хуримын ёслол хүртэл хэмжээнд аваачихгүйн тулд чадах бүхнээ хийжээ. Гэхдээ хурим болсон юм.

Японы ард түмэн угсаа залгамжлах хунтайж, чинээлэг гэр бүлээс гаралтай охинтой анх удаа гэрлэж байгаад нь баяртай байв.

Хуримын ёслолыг шууд үзүүлэх нь тодорхой болоход телевизийн үйлдвэрлэл, борлуулалт асар их хэмжээгээр нэмэгджээ. Энэ хуримыг зурагт үйлдвэрлэлийн салбарын өсөлтөд хүчтэй түлхэц өгсөн гэж үздэг нь санамсаргүй хэрэг биш юм.

Энэ бол хошигнол биш бөгөөд ханхүү болон "Японы Үнсгэлжин" нарын хуримыг Япон орны өнцөг булан бүрт амьдарч буй 15 сая гаруй оршин суугчид үзжээ. Дайны дараа Япон хүмүүс аз жаргалтай төгсгөлтэй үлгэрт итгэхийг хүсдэг байв. Акихитогийн ээж бэрдээ маш ихээр дургүйцлээ илэрхийлж байв.

Хатан хаан тэдний аз жаргалыг нь устгах гэж оролдохдоо Мичиког "тээрэмчний охин" гэж хочлов.

Залуу бүсгүйг ордонд нүүж ирэхэд жинхэнэ хавчлага эхэлж, санал бодлоо илэрхийлэх өчүүхэн ч эрхгүй болгожээ.

Гэвч Акихито галзуурсан мэт дурласан бөгөөд бүх талаараа төгс эмэгтэйтэй уулзсан гэдэгт бат итгэлтэй байсан юм. Хоёр ч удаа хайртынхаа араас ордноос гарч, Хаямагийн оршин суух газар руу нүүжээ. Одоо залуу гэр бүл хуучинсаг, амбицтай хатан хааны удирдлагагүйгээр амьдрах боломжтой болжээ.

Тэр цагаас хойш 60 жил өнгөрч, Үнсгэлжингийн үлгэр бодит байдал болж чадна гэдгийг цаг хугацаа харууллаа. Акихито, Мичико нар өөрсдөө удаан хугацаанд хаан ширээнд суусан. Тэд хоёр хүү, нэг охин өсгөсөн.

Энэ бүх хугацаанд хааны гэр бүл сэтгүүлчид болон энгийн хүмүүст нээлттэй байсаар байсан.

Мөн хүүхдүүдээ бие даан өсгөсөн Японы анхны хааны удмын хос болжээ. Үүнээс өмнө өв залгамжлагчид бага наснаасаа эцэг эхээсээ хол байдаг нь ханхүүд хүнд цохилт болж байсан учир өөрөө хүүхдүүдээ усанд оруулж, эхнэртээ хоол хийхэд нь тусалдаг байжээ. Хосууд хамгийн энгийн гэр бүлийн амьдралыг сонгосон юм.

Энэ түүх бол жинхэнэ хайранд ямар ч саад тотгор байдаггүйг батлах өөр нэг баталгаа юм.

Эх сурвалж: Исторический калейдоскоп

Р.Сайхан-Уул

 
 
 
 
 
 
 
 
 
 
 
 
 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.