К.Лав драфтын тэргүүн тоглогчидтой нэг баг боллоо

Twitter Print
2014 оны 08-р сар 13-нд 16:03 цагт
Мэдээний зураг,

NBA-ийн шилдэг хүчний довтлогч К.Лав Охио мужийн багт ирсэн. Тэрээр анх 2008 оны драфтын нэгдүгээр бүсийн тав дахь сонголтоор “Мемфис Гризлес” багт ирсэн ч тэндээ нэг ч тоглолтонд оролцолгүй солилцоонд хамрагдаж “Миннесота Тимбер Уолвез” багт ирж байв. Шинэ багтайгаа гайхалтай сайн ойлголцож улирал бүрт багийнхаа мэргэн буучын жагсаалтыг тэргүүлж, NBA-д хувийн амжилтаар нэгэн рекорд тогтоосон. Энэ нь нэг улиралд 56 тоглолт дараалан дабль-дабль хийж үнэхээр гайхалтай амжилтыг үзүүлсэн аж.

К.Лав 2011, 2012, 2014 онд бүх оддын тоглолтонд сонгогдсон бол хоёр удаа бүх NBA-ийн хоёрдугаар багт нэрлэгдсэн байна. Мөн АНУ-ын шигшээ багийн хамтаар “Турк 2010” дэлхийн аварга, “Лондон 2012” Олимпийн их наадмаас алтан медаль хүртсэн. Өнөө цагийн хамгийн тэгш тоглогчдын нэг К.Лав энэ зун багаа өөрчилж Охио мужийн Клевлэнд хотын багт ирсэн нь гэнэтийн шийдвэр байгаагүй.

Хэдийгээр “Цөөвөр чоно”-нуудтай нэг багт байхдаа хувийн амжилт нь жин дарж байсан ч баг нь төдийлөн сайн яваагүй юм. Зургаан улирал тоглоход ганцхан удаа “Миннестоа” плей-оффт шалгарч байсан нь чамлахаар амжилт билээ. Өдгөө 25 настай К.Лав өөрийнхөө ур чадварыг үзүүлэх хэмжээнд байгаа дээрээ аваргын бөгж зүүхийг илүүд үзсэн учир “Морин цэргүүд”-ийг сонгосон гэхэд болно. Тэнд драфтын нэгүүд байна. Л.Жеймс, К.Ирвинг, Э.Беннетти гэсэн 2003, 2011, 2013 оны драфтыг тэргүүлсэн сагсан бөмбөгийн шидтэнгүүд К.Лавт аваргын бөгж авч бэлэглэнэ гэдэгт эргэлзэх хүн гарахгүй биз.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.