Бразилийн ерөнхийлөгчид нэр дэвшигч онгоцны ослоор амиа алджээ

Twitter Print
2014 оны 08-р сар 14-нд 09:33 цагт
Мэдээний зураг,

Бразилийн ерөнхийлөгчийн сонгуульд нэр дэвшигч 49 настай Эдуардо Кампос онгоцны ослоор нас баржээ. Кампос болон намын нөхдийнх нь сууж явсан онгоц цаг агаарын таагүй нөхцөл байдлаас болоод Сао Пауло мужийн Сантос боомт хотод унасан байна. Ослын улмаас дөрвөн зорчигч, хоёр нисэгч нь амиа алдлаа. 

Бразилийн ерөнхийлөгч хатагтай Дилма Роуссефф улс орон даяар гурав хоногийн гашуудал зарлаж, сонгуулийн компанит ажлаа зогсоосон байна. Бразилийн телевизүүдээр ослын талаарх мэдээллүүд цацагдсаар байгаа ажээ. Эх сурвалжийн мэдээлж буйгаар онгоц өндөр барилгуудын дунд унаж, шатсан бололтой. Кампос агсаны гэр бүлийнхэн 1964-1985 онд оршин тогтнож байсан цэргийн дэглэмийг туурштай эсэргүүцэж байжээ. Таван хүүхдийн эцэг тэрээр Бразилийн зүүн хойд хэсэгт орших Пернамбуко мужийн амбан захирагчаар хоёр удаа сонгогдон ажиллаж байжээ. 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.