Дүрслэх урлагийн ертөнцөд өнөөдөр инсталяци (installation) хэмээх суурилуулан дүрслэх гэсэн утгатай урлагийн чиглэл голлох байр суурь эзлэх болсон билээ. Орон зай, утга санааг нөхцөлдүүлэн бүтээдэг энэ урсгал барууны орнуудад анх үүсч өнөө хүрэхдээ илүү өргөн дэлгэрсэн байдаг. Энэ урлагаар ямар ч утга санааг илэрхийлж болно.
Тухайлбал дэлхийн нэгдүгээр дайны үед амь эрсэдсэн энгийн иргэдийн дурсгалын хүндэтгэж эргэн сануулах үүднээс Бразилийн нэгэн уран барималч Неле Азеведо “The Great War” хэмээн нэрлэж, мөсөөр урласан бүтээл туурвижээ. Түүний бүтээл болох таван мянган бяцхан мөсөн хүн хэрхэн хайлан урсаж байгааг харсан хэн бүхэн нэгийг бодохгүй өнгөрөхийн арга байхгүй. Энэ долоо хоногийн эхээр Их Британийн Бирмингэм дэх Чэмбирлин талбайд талибан үзүүлсэн түүний бүтээл аргагүй олны анхаарлыг татаж байсан аж.
“Хөшөө дурсгалын тухайд бидэнд байдаг ойлголтыг би эвдэхийг хүссэн. Тэгээд ч миний бүтээл хүмүүст түүх дурсгалын мартагдсан цаг үеийг сануулах бүтээл болсон байх гэж найдаж байна.“ гэж Авазедо тэмдэглэсэн байна.
E-mail: mongolcom.mn@gmail.com
Утас: 76110303, 76110505
