Залуучуудын II Олимп эхэллээ

Twitter Print
2014 оны 08-р сар 18-нд 15:44 цагт
Мэдээний зураг,

Залуучуудын зуны Олимпийн II наадам манай урд хөршийн Наньжин хотод өчигдөр эхэллээ. Энэ удаа 202 орны 3600 гаруй тамирчид спортын 30 төрөлд 222 багц медалийн төлөө өрсөлдөнө. Нээлтийн арга хэмжээнд БНХАУ-ын дарга Си Жиньпин, НҮБ-ын Ерөнхий нарийн бичгийн дарга Бан Ги Мун, ОУОХ-ны Ерөнхийлөгч Т.Бах болон 202 орны Үндэсний Олипийн хорооны Ерөнхийлөгч оролцжээ. Залуучуудын II наадамд тамирчид спортын 30 төрлөөр /Усанд сэлэлт, бадминтон,  сагсан бөмбөг 3х3, бокс, бөхийн барилдаанууд, дугуйн спорт, гандбол, гольф, байдарка ба каноэ завины сэлэлт, морин спорт, усанд үсрэх, регби-7, орчин үеийн таван төрөлт, спортын гимнастик, буудлага, нум сумын харвалт, теннис, триатлон, таэквандо, хүндийг өргөлт, сэлэмийн спорт, хөлбөмбөг, зүлэгний хоккей, уран сайхны гимнастик/ энэ сарын 24 хүртэл өрсөлдөнө.

2007 онд ОУОХ-ны хуралдаж залуучуудын Олимдийн наадмыг зохион байгуулах шийдвэр гаргасан. Улмаар 2010 онд Сингапур улсад зуны анхдугаар наадмыг явуулсан бол 2012 онд залуучуудын өвлийн анхдугаар наадмыг Австри улс хүлээн авсан. Харин өвлийн II наадам 2016 онд Норвегийн Лиллехаммер хтод болно. “Наньжин 2014”-т манай улсаас таван тамирчин оролцох юм. Жүдо бөхийн 66 кг-д Ц.Цогтбаатар, 52 кг-д Ц.Хулан, чөлөөт бөхийн 46 кг-д Б.Дөлгөөн,  буудлагын спортоор Н.Ангирмаа, хүндийн өргөлтийн төрөлд М.Анхцэцэг нар эх орноо төлдөөлөн өрсөлдөж байна. Өчигдөр манай бөх Ц.Цогтбаатар барлдааны хийж эхний тойрогт БНХАУ-ын тамирчин ялагдсан. Дагах барилдаанд Тайладын бөхийг цэвэр ялсан  ч хоёрдугаар тойрогт Польшийн бөхөд цэвэр ялагдаж тэмцээнээ дуусгасан байна.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.