Ардчилсан нам: Хятадын Коммунист намаас санхүүгийн дэмжлэг аваагүй

Twitter Print
2020 оны 02-р сар 11-нд 13:20 цагт
Мэдээний зураг,

АН-ын хэвлэл мэдээллийн албанаас өнөөдөр /2020.02.11/ цаг үеийн асуудлаар мэдээлэл хийлээ. Хэвлэлийн хуралд АН-ын Гадаад харилцаа хариуцсан дэд дарга Б.Дэлгэрмаа, АН-ын Хэрэг эрхлэх газрын дарга, Элчин сайд Сүхбаатар нар оролцов.

Мэдээллийн үеэр тус намын дарга С.Эрдэнэ Хятадын коммунист намын даргатай уулзсан арга хэмжээний талаар мэдэгдэл гаргаж байна гэлээ. Уг мэдэгдэлд, Ардчилсан нам болон Хятадын коммунист намын хамтын ажиллагааны хүрээнд С.Эрдэнэ тэргүүтэй гишүүн айлчлал хийсэн. Айлчлалын хүрээнд АН-ын дарга, УИХ-ын гишүүн С.Эрдэнэ тэргүүтэй хүмүүс Хятадын коммунист намын албаны хүмүүстэй уулзсан. УИХ-ын сонгууль ойртсон энэ үед АН-ын нэр хүндийг унагах, гүтгэлгийн шинж чанартай мэдээг тарааж байгааг эсэргүүцэж байна.

АН-ын зүгээс бусад улс орон, сайн хөршийн харилцаа, намуудын харилцаа холбооны талаар хийж байгаа бөгөөд сонгуулийн санхүүжилтийн талаар огтоос яригдаагүйг хатуу мэдэгдэж байна гэлээ. Дараа нь сэтгүүлчдийн асуултад хариулт өглөө.

-Айлчлал, уулзалтын хүрээнд яригдсан гол асуудал юу байсан бэ. Уулзалтын үр дүн юу байв?

-Хятадын коммунист нам манай улс төрийн гол намуудтай тэгш харилцаатай байдаг. Монгол Хятадын 70 жилийн ойн хүрээнд энэ уулзалт манай намын даргыг хүлээж авсан. БНХАУ-ын төрийн эрхийг барьж байгаа Коммунист намтай манай улс төрийн гол хүчнүүд байнга харилцдаг. АН-ын дарга С.Эрдэнийн хийсэн айлчлал нь хоёр жилийн өмнө яригдаж хийгдсэн айлчлал байсан. БНХАУ-ын 70 жилийн ойг тохиолдуулан хийсэн бөгөөд айлчлалаар сайн хөршийн харилцааг хөгжүүлэх, улс төрийн намуудын харилцан ойлголцлыг бэхжүүлэх чиглэлээр ярилцаж, хамтран хэрэгжүүлж болох ажлуудаа ярилцсан. Хэвлэл мэдээллийн төлөөлөгчдийг Хятад Улсын хөгжилтэй танилцуулах, аялуулах талаар ярилцсан.

-Хамтын ажиллагаанаас гадна мөнгөн санхүүжилт өгч байсан тохиолдол бий юу. Мөн хятадын коммунист намаас танай намд мөнгөн тусламж үзүүлж байсан тохиолдол бий юу?

-Манай нам мөнгөн тусламж авч байгаагүй. Хуулиараа хориотой шүү дээ. Тиймээс ямар ч санхүүгийн дэмжлэг авч байгаагүй. Харин манай намын гишүүн Ж.Амарсанаа эмч БНХАУ-д тусалъя гэдэг санаачилгыг гаргасан. Энэ нь АН-ын шийдвэр байгаагүй. Хятадуудаас сонгуулийн хандив, мөнгө гуйсан мэтээр гүтгэлгийн шинж чанартай мэдээлэл тарааж байна.

Г.Ганаа 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Зочин

      (81.243.22.81) 2020-02-11 20:41
      • 0
      • 0

      Tegeed ter hyatdiin tv medee hudlaa bolj bnuu ug n yaltachgu demjleg hussen gesen medee yvaad bga yum bshh

      Хариулах