С.Марал-Од: Дашням ахыг үргэлжлүүлэн дэмжсээр байгаарай

Twitter Print
2020 оны 06-р сар 08-нд 12:25 цагт
Мэдээний зураг,

"The Voice of Mongolia" шоу өндөрлөх шатандаа орж, өчигдөр шилдэг дөрвөн оролцогч финалын шатанд тунаж үлдсэн. 

Тэдгээр оролцогчдоос шүүгч Укагийн багаас үзэгчдийн саналаар шалгарсан Э.Дашням шалгарч, С.Марал-Од тэмцээнээ дуусгасан юм. Гэсэн ч, үзэгчдийн сонголттой холбоотой янз бүрийн сэтгэгдэл нийгмийн сүлжээнд хөвөрч буй. 

Тэгвэл шүүгч Укагийн багийн хүчтэй өрсөлдөгчийн нэг С.Марал-Од өөрийн фэйсбүүк хуудсаар дамжуулж сэтгэгдлээ илэрхийлжээ. Тэрбээр "Би Дашням ахынхаа тухай бичмээр санагдаад.  Дашням ах маань өмнө нь хэзээ ч гадаад дуу дуулж байгаагүй. Энэ шатан дээр анх удаа гадаад дуу бэлдэж дуулсан. Бэлтгэлийн эхний өдөр үгээ хэлж чадахгүй ам нь эвлэж өгөхгүй хэцүүхэн байсан ч гэсэн хоёр өдрийн дотор маш их хичээж, үг нэг бүрийг хэлж сурах гэж, дууныхаа мэдрэмжийг ойлгох гэж үнэхээр чармайгаад, маш хурдан сайжирсан! Дуугаа сайхан ч дуулсан! Түүний хичээл зүтгэлийн үр дүнг хараад бахархаж, хүндэлж хайрлаж байна аа!

Erdenee Dashnyam та чадсан шүү! Дараагийн шатанд нь чадах бүх зүйлээрээ тусалж дэмжинэ ээ.  Харин та нар минь түүнийг хайрлаж дэмжиж ирсэн сэтгэлээрээ үргэлжлүүлэн дэмжсээр байгаарай хэмээн хүсье. Хүндэт үзэгчид минь хамт байгаарай.  #TeamUka #Oneteam УРАГШАА" хэмээжээ. 

Г.Ганаа

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.