CNN агентлаг коронавирусын эсрэг вакцинд хамрагдалгүй ажилдаа ирсэн 3 ажилтнаа халжээ

Twitter Print
2021 оны 08-р сар 07-нд 11:00 цагт
Мэдээний зураг,

Америкийн томоохон компаниуд ажилтнуудаасаа коронавирусын эсрэг вакцинд зайлшгүй хамрагдсан байхыг шаардаж эхэлжээ. Хэвлэл мэдээллийн хэрэгслүүдэд бичсэнээр Америкийн мэдээллийн томоохон сувгуудын нэг CNN агентлаг коронавирусын эсрэг вакцинд хамрагдалгүй ажилдаа ирсэн 3 ажилтнаа ажлаас нь халжээ.

Өнгөрсөн 5-р сард АНУ-ын засгийн газар ажил олгогчийн зүгээс оффист ажиллах ажилтнуудаасаа вакцинд хамрагдсан байхыг шаардах эрхтэй хэмээн мэдэгдсэн ба Facebook, Google зэрэг том компаниуд офист ажиллах ажилтнуудаа коронавирусын эсрэг вакцинд бүрэн хамрагдсан байхыг шаардах гэнэ.

CNN сувгийн дарга Жефф Зукер СиЭнЭн суваг нь ажилтнуудаа коронавирусын эсрэг вакцинд хамрагдсан байх тал дээр хатуу байр суурьтай байгаа гэдгээ онцолжээ.

Америкийн агаарын тээврийн Delta, United Airlines компаниуд шинээр ажилд орж буй хүмүүсээс коронавирусын эсрэг вакцинд бүрэн хамрагдсан гэсэн бичиг шаардаж байгаа бол АНУ-ын Ерөнхийлөгч Жо Байден төрийн албан хаагчдад коронавирусын эсрэг вакцинд бүрэн хамрагдах шаардлага тавьсан ба коронавирусын эсрэг вакцинд хамрагдахгүй бол тогтмол коронавирусын шинжилгээнд хамрагдаж, амны хаалт зүүхийг шаарджээ.

Эх сурвалж: https://www.bbc.com/news/world-us-canada

Содномцэрэнгийн Энхзаяа

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.