Ерөнхийлөгч В. Путин АНУ руу эмнэлгийн тоног төхөөрөмж илгээхээ мэдэгджээ

Twitter Print
2020 оны 04-р сар 01-нд 10:45 цагт
Мэдээний зураг,

ОХУ коронавирусын халдварын дэгдэлттэй холбоотойгоор АНУ руу эмнэлгийн тоног төхөөрөмж илгээхээр болсон талаар ОХУ-ын Ерөнхийлөгч Владимир Путины хэвлэлийн нарийн бичгийн дарга Дмитрий Песков мэдэгджээ.

Өнгөрсөн даваа гарагт ОХУ-ын Ерөнхийлөгч В. Путин АНУ-ын Ерөнхийлөгч Доналд Трамптай утсаар холбогдон коронавирусын халдварын дэгдэлт, газрын тосны зах зээлийн нөхцөл байдал зэрэг асуудлуудын талаар ярилцсан байна. Интерфакс агентлагийн мэдээлж байгаагаар АНУ-ын Ерөнхийлөгч Доналд Трамп ОХУ-аас хүмүүнлэгийн бараа илгээж буйд талархаж байгаагаа илэрхийлжээ.

Эмнэлгийн тоног төхөөрөмж, халдвар хамгааллын хувцас, хэрэгсэл зэргийг ачсан Оросын онгоц энэ мягмар гарагт АНУ-ыг зорих гэнэ. АНУ-д коронавирусын халдвар авсан 188 мянга гаруй тохиолдол бүртгэгдээд байгаа ба уг вирусын халдварын улмаас 3800 гаруй хүн нас бараад байна. АНУ-ын Ерөнхийлөгч Доналд Трамп Цагаан ордонд хийсэн хэвлэлийн бага хурлын үеэр иргэдийг засгийн газраас гаргаж буй заавар зөвлөмжийг дагахыг анхааруулж, "АНУ-ын иргэн бүрийг ирж буй хүнд өдрүүдэд бэлтгэлтэй байхыг хүсч байна. Ирэх хоёр долоо хоног маш хүнд байх болно." гэжээ.

Putin sending medical supplies to help U.S. fight coronavirus -IFX

Коронавирусын халдвартай тэмцэх ажлыг хариуцаж байгаа Дэд Ерөнхийлөгч Майк Пэнс мягмар гарагт хийсэн хэвлэлийн бага хурлын үеэр мэдэгдсэнээр АНУ-д өдөрт 100 мянган хүнд коронавирусын шинжилгээ хийж байгаа аж. Мэргэжилтнүүдийн үзэж байгаагаар ирэх долоо хоногуудад АНУ-д хамгийн багадаа гэхэд 100 мянган хүн коронавирусын халдварын улмаас нас барах гэнэ. Коронавирусын халдвар дэгдсэнээс хойш дэлхий даяар 858 мянга гаруй хүн уг вирусын халдварыг аваад байгаа ба уг вирусын халдварын улмаас 42 мянга гаруй хүн нас бараад байгаа юм.

Эх сурвалж: Reuters

Содномцэрэнгийн Энхзаяа 

mongolcom.mn 

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.