Эмэгтэйчүүдийг жолооны ард үсээ янзалж, уруулаа будахыг хоригложээ

Twitter Print
2014 оны 08-р сар 28-нд 06:55 цагт
Мэдээний зураг,

Арабын нэгдсэн эмират улсад (АНЭУ) эмэгтэй жолооч нарыг машин барьж явахдаа үс гэзгээ янзалж, уруул амаа будахыг хоригложээ. Хэрвээ үүнийг зөрчвөл тэднийг 1 мянган дирхамаар (барагцаалвал 272 ам.доллар) торгох гэнэ.

Тус улс нь лалын шашны хатуу дэг жаягаас алгуураар татгалзаж эмэгтэйчүүдийн эрхийг хүндэтгэж эхэлсэн юм. Гэсэн хэдий ч арайхийж машин барих эрх олж авсан эмэгтэйчүүдэд нийгмийн бүхэл бүтэн анги давхарга дургүй байсаар байна.

Үүнээс үүдээд машин бариад ч зогсохгүй эмэгтэйчүүд л болсон хойно жолооны ард үс гэзгээ янзлах нь жирийн үзэгдэл тул нийгмийн хуучинсаг бүлгийнхний шахалтаар хууль батлуулжээ.

Жолоо барьж явахдаа үс зүсээ янзлах нь замд аюултай байдал үүсгэж буй хэрэг гэж үзээд цагдаа торгууль ногдуулахаас гадна, машиныг нь нэг сарын хугацаагаар журамлахад хүрэх юм.

“Машин барьж явахдаа нүүр амаа будах нь гар утсаар ярихаас илүү осолтой” гэж Дубай хотын цагдаагийн тээврийн газрын орлогч захирал Саиф Мухейр Аль Мазруи хэлжээ.

С.Инда

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.