Шинэхэн гутал талхлагдав

Twitter Print
2020 оны 11-р сар 09-нд 15:51 цагт
Мэдээний зураг,

Новшын орой байлаа. Монголчууд маань эсгий ултай сайхан өвлийн гутал хийжээ гэж сонсоод хагас сарын өмнө захиалсан юм. Өнөөдөр очоод автал үнэхээр ч сайхан гутал болж.

Арьс нь гөлтийж, үнэр нь ханхийгээд л хөл тэр чигээрээ халуу оргиод л… Орой Ид шидийн орон 1 төв дээр ажил гараад Баянхошуугаар уруудаж явахдаа далан давхарын хойш өгсөв. Зам дээр нүд хальтрам нэг зураглал … Бяцхан хүү гараа өргөөд зогсож байна дагуулаад хартал яг хажууд нь газар нэг эмэгтэй хүн хэвтэж байлаа. Машинаа зогсоогоод яваад очтол хүү замаас холдож ээжийгээ чирэх гэж оролдов.

Ээж нь нэг дугтраад хүүг манартал цохиж “Мууу писдааа минь …” гэж хараал урсгав. Хүү гомдоллосон хоолойгоор мэгшээд гудамж руу алхлаа. Гэтэл үрийн санаа хаданд биш ажээ. Бяцхан хүү яаж ч чадалгүй ээжийгээ гээд буцаад ирсэн. Дахиад л ээжийгээ чирж гулдран “Ээжээ явийлдаа, та бослдоооо” гээд ээждээ дахиад нудруулан хараалгав. Энэ удаа үнэхээр жинхнээсээ гомдсон хоолойгоор тааа иймшдэээ гээд зүрх зүсэм харцаар нэг хараад харанхуй гудам руу дахиад алхав. Энэ явдал анхны удаа биш ажээ. Хажуугаас хаанаас ч юм нэг согтуу эгч гарч ирээд өө наадах чинь тасарчиж энэ хүүгийн төрсөн өдөр юм байгаан бид нар уусымааа гэж орилов. Энэ дунд бид хоёр самгардаад яаж ч чадахгүй байснаа хүүг гүйж нэг маань олж ирээд ээжийг өргөж машинд суулгаад гэрийг нь хайгаад явлаа.

Хэдхэн асуулт асууж амжихад хүү 8 настай, тэднийх замаас нэлээн хол ажээ. Замд нэг хүү таарсан нь хүүгийн ах бөгөөд 10 хүрэхгүй настай харагдсан. Хоёуланг нь суулгаад гэрт нь очтол нэлээн том /16 настай/ нэг ах нь тосч гарч ирээд ээжийгээ шууд угзчаад гэрт авч орох гэсэн ч чадсангүй. Бид хоёрыг баярлалаа одоо яв яв гэсэн авч эцсийн бүлэгт гурвуулаа хамжин ээжийг гэрт нь оруулав. 10 орчим настай хүүгийн ам нь маш том хавдаж тав тогтсон байлаа. Ээжийг гэрт нь оруулаад дөнгөж гарч ирээд Ид шидийн орны хамгаалах байрныхаа ахлагч руу ярьж хорооны хамтарсан баг ажиллуулахыг хүсэлт гарган, хаяг GPS явуулав. Өнөөдөр би уул нь шинэ гуталтай гарсан юм.

Гутлаа хартал авахын аргагүй талхлагджээ. Гутал ч яахав дөнгөж ургаж нахиалж байгаа үрээ битгий гишгэлээч эцэг эхчүүд ээ. Хүүхдэдээ хайртай ХҮНБАЙГААЧ ! гуйя. 8-хан настай тэр жаалын төрсөн өдөр нь байсан юм шүү ... Тэр гомдсон харцыг би бол энэ насандаа мартаж чадахгүй ! Хүчирхийлэл гэдэг нь зөвхөн цус нөж ил гэмтэл бэртэл биш юм шүү!

Улаанбаатар хот 70 давхар

Ч.Ганжавхлан

2020.11.08

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Эрка

      (202.55.188.33) 2020-07-10 16:30
      • 0
      • 0

      Сайхан сэтгэлт хүмүүст бүгдэд нь баярлалаа. Буян нь дэлгэрэг ээ

      Хариулах