Францад КОВИД-19 эсрэг вакцинд хамрагдаагүй эмнэлгийн 3000 ажилтнаа ажлаас нь халлаа

Twitter Print
2021 оны 09-р сар 18-нд 13:00 цагт
Мэдээний зураг,

Францын эрх баригчдын заасан хугацаанд коронавирусын эсрэг вакцинд бүрэн хамрагдаагүй эрүүл мэндийн салбарын мянга мянган ажилчдыг ажлаас нь чөлөөлсөн талаар Францын Эрүүл мэндийн сайд Оливье Веран мэдэгджээ.

Францын Үндэсний нийгмийн эрүүл мэндийн агентлагаас мэдээлж байгаагаар өнгөрсөн долоо хоногийн байдлаар эмнэлгийн ажилтнуудын 12 хувь, хувийн эмнэлэгт ажилладаг эмч нарын 6 хувь нь коронавирусын эсрэг вакцинд хамрагдаагүй байсан аж.

Харин Эрүүл мэндийн сайд Оливье Вераны мэдээлснээр өнгөрсөн лхагва гарагт эрүүл мэндийн төвүүд, эмнэлгүүдэд ажилладаг 3000 хүнийг коронавирусын эсрэг вакцинд хамраагдаагүй хэмээн ажлаас нь чөлөөлсөн байна.

Түүнээс гадна эрүүл мэндийн салбарт ажилладаг хэдэн арван ажилчид коронавирусын эсрэг вакцинд хамрагдахаас татгалзаж, ажлаас гарах өргөдлөө өгчээ.

Нөгөөтэйгүүр Оливье Веран Францын эрүүл мэндийн салбарт нийт 2.7 сая хүн ажилладаг ба тэдгээрийн цөөн хэд нь ажлаас чөлөөлөгдсөн нь эрүүл мэндийн салбарын үйл ажиллагаанд ноцтой нөлөө үзүүлэхгүй гэдгийг онцолжээ.

Өнөөдрийн байдлаар Францын 12-оос дээш насны нийт иргэдийн 70 хувь нь коронавирусын эсрэг вакцинд бүрэн хамрагдсан, 74 хувь нь вакцины эхний тунгаа хийлгээд байгаа ч коронавирусын дельта хувилбарын тархалт Францын эрх баригчдын санааг зовоож байна.

Эх сурвалж: The Guardian

Содномцэрэнгийн Энхзаяа

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.