Монгол эмэгтэйн амийг бүрэлгэж, цогцсыг нь булсан солонгос эрийг баривчиллаа

Twitter Print
2020 оны 03-р сар 09-нд 12:07 цагт
Мэдээний зураг,

Танил гадаад эмэгтэйтэйгээ муудалцаж, улмаар амийг нь бүрэлгэн цогцсыг нь Гёнгбук мужийн Санжү хотын нэгэн будааны талбайд булсан 50 гаруй насны эрэгтэйг баривчилжээ.

Уг хэргийг 59 настай А үйлдсэн бөгөөд түүнийг хүний амь хөнөөсөн, нуун дарагдуулсан гэх үндэслэлээр эрүү үүсгэн шалгаж байгаа аж. Эх сурвалжийн мэдээллээр А нь нэгдүгээр сарын 29-нд Санжү хотын тариалангийн тосгонд өөрийн машиндаа хуучны танил Монгол Улсын иргэн 56 настай эмэгтэй Б-тэй муудалцаж, эцэстээ амийг нь хохироосон байна.

Хэргийг үйлдсэнийхээ дараа цогцсыг нь тракторт ачин гэрээсээ 2.2 км-т байх тариалангийн талбайд булсан нь тогтоогджээ. Талийгаач Б-ын зээ дүү нь хоёрдугаар сарын 7-нд эгчийгээ эрэн сурвалжлуулах хүсэлт гаргаж, цагдаа нар мөрдөн шалгах үйл ажиллагаа эхлүүлжээ. Цагдаагийн газар А болон Б нарын хоорондох утасны мессэж болон хяналтын камерын мөрдлөгөөр А-г сэжигтнээр тооцон мөрдлөгө явуулсан байна. Хэрэгтэн А нь анхандаа Б-г хаана байгааг мэдэхгүй гэж мэлзсэн боловч тодорхой нотлох баримтуудыг дэлгэхэд "хэрэлдэж байгаад уурандаа санамсаргүйгээр хэргийг үйлдсэн" гэдгээ хүлээн зөвшөөрсөн байна.

Мөрдөн байцаалтаар А нь "Б надтай хамт хоолны газар ажиллуулья гэхэд нь би дургүйцсэн. Гэтэл байн байн шалтгааныг асуугаад байхаар нь уурандаа алсан" гэж хэлжээ. Тэд 2 жилийн өмнөөс биесээ мэддэг болсон бөгөөд бизнесийн хөрөнгө оруулалт болон мөнгө төгрөгний асуудлаас болж сүүлийн үед хэрэлдэж муудалцацгаах болсон байна гэж цагдаагийн газраас мэдээлэв.

Эх сурвалж: Тун А Илбу сонин

Ц.Өнөрзаяа, БНСУ

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.