Оросын пуужин орон сууц онож, 21 хүн амь үрэгджээ

Twitter Print
2022 оны 07-р сар 02-нд 15:56 цагт
Мэдээний зураг,

Хар тэнгисийн эрэг дээрх Одесса боомт хотын ойр байрлах 9 давхар орон сууц амралтын төвийн байрны хамтаар энэ баасан гарагийн шөнө Оросын пуужингийн цохилтонд өртсөний улмаас 21 хүн амиа алдаж, хэдэн 10 хүн шархадсан талаар Украины эрх баригчид мэдээлжээ.

Одесса мужийн засаг захиргааны хэвлэлийн албанаас мэдээлснээр пуужингийн цохилтын улмаас орон сууц хэсэгчлэн нурж, аврагчид нурангин доороос иргэдийг гаргахаар ажиллаж байгаа аж.

Өнгөрсөн пүрэв гарагт Москва хүмүүнлэгийн гарц нээж, Украины үр тарианы экспортыг сэргээх НҮБ-ын оролдлогыг боогдуулаагүй гэдгээ харуулах үүднээс Змейный арлаас "сайн дураараа" цэргээ татаж буйгаа зарласан бол Украины талаас Украины арми стратегийн ялалт байгуулж, оросууд ухрахад хүрсэн гэдгийг онцолжээ.

Нөгөө талаас Украины арми зүүн хязгаарын Лисичаньск хотын хяналтыг оросуудад алдахгүйг хичээн, байгаа зэр зэвсгээ ашиглан бүхий л чадлаараа тулалдаж байна.

Оросууд Лисичаньск хотыг их буугаар буудаж, Оросын цэргүүд хотыг хэд хэдэн талаас бүслэн давшилж байгаа аж. Украины Ерөнхийлөгч В. Зеленскийн мэдэгдсэнээр оросууд Лисичаньск хотыг хяналтандаа авахын тулд хүчирхэг зэр зэвсэг, бүх нөөц бололцоогоо ашиглаж байгаа нь гарцаагүй аж.

Эх сурвалж: BBC

Содномцэрэнгийн Энхзаяа 

mongolcom.mn 

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.