Энэтхэг, Пакистаныг нөмөрсөн үерийн гамшиг өссөөр байна

Twitter Print
2014 оны 09-р сар 10-нд 12:41 цагт
Мэдээний зураг,

Энэтхэг, Пакистан улсад сүүлийн жаран жил болж байгаагүй их үер усны гамшигийн улмаас дөрвөн зуу гаруй хүн амь үрэгдээд байна. AP агентлагийн мэдээлсэнээр, Энэтхэгт 200, Пакистанд 205 хүн амь үрэгдээд байгаа бөгөөд хоёр улсын нийт 700 гаруй хүн ард үерйн хөлд нэрвэгдээд байгаа аж. Их үерийн зэрэгцээ хөрсний гулгалт үүссэнээс, дэд бүтцэд асар их хохирол учирчээ.

Есдүгээр сарын 3-наас эхлэн орсон бороо тав хоног үргэлжилж, энэ хугацаанд хоёр зуун хүн амь эрсэдсэн бол сүүлийн үеийн мэдээгээр хохирлын тоо өссөөр байгаа аж. Хоёр улсын засгийн газраас мэдээлсэнээр нийт ард иргэд үерийн усанд боогдож, сая хагас гаруй хүн таслагдаад байгаа бол ус татартал эмнэлгийн тусламж хүргэх боломжгүй байгаа учраас хохирлын хэмжээ өсөх магадлалтай байна. Пакистаны хэсэг иргэд AP агентлагийн сурвалжлагчид мэдээлсэнээр аюулын үед засгийн газраас ямар ч тусламж үзүүлээгүй бөгөөд нэгэн эмэгтэйн өгүүлсэнээр дотнын хүмүүсээ аврах завь гаргаж өгөхийг хичнээн гуйч, эрж хайсан боловч, ямар ч туслалцаа үзүүлээгүй хэсэг хугацааны дараа тэрээр нөхөртэйгөө утсаар ярихад хариу өгөхгүй болсон байжээ. Түүний нөхөр хэсэг хүмүүс, хүүхдүүдийнхээ хамт байшингийн дээвэр дээр гарч амь хорогодож байсан гэнэ.

Пакистан улсын онцгой байдлын газрын хэвлэлийн төлөөлөгч Ахмад Камаль, улирлын бороо хур зогссон байх ёстой энэ үед гэнэтийн үер болсоноор хохирлын хэмжээг өсгөж байгаа, үерийн ус одоо Пакистаны өмнөд хэсгийг усанд автуулж байгаа учир ард иргэдийг нүүлгэн шилжүүлэх ажиллагаа явуулж байгаа бөгөөд Энэтхэг, Пакистаны армийн цэргүүд дайчлашгдан оролцож байгаа тухай мэдээлсэн байна. 

Сэтгүүлч Л.Отгонбат

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.