ЭЕШ бол сонгууль биш!

Twitter Print
2021 оны 08-р сар 24-нд 09:30 цагт
Мэдээний зураг,

ЭЕШ бол сонгууль биш!

Дүн нь хэдэн минутын дараа гардаг болсон гэх нь бахархаад байх зүйл биш. Харин ч ичмээр, яаралтай болиулах ёстой зүйл.

Учир нь сурагчдаа юу сурсныг дан тестээр үнэлэх нь маш буруу. Үнэндээ сурагчид маань юу сурав, бид юу заагаад байна гэдгээ бодитоор үнэлж, үр дүнд нь анализ шинжилгээ сайн хиймээр байгаа бол даалгаврыг дан сонголтот тестээр зохиодог энэ байдлаа бид яаралтай өөрчлөх шаардлагатай.

Үүнээс болоод дунд сургуульд математик, физик, хими, биологи, газарзүй, англи хэл, монгол хэл, нийгмийн ухаан, түүхийн хичээлийг буруу аргаар заахад хүрээд байна.

Үр дүнд нь математикийн хичээл боддог биш, бууддаг, байгалийн ухааны хичээл туршилтгүй, англи хэлний хичээл бичдэггүй, ярьдаггүй, зүгээр л дүрмээр нүддэг, нийгмийн ухааныхан хоосон цээжилдэг болсон.

Үүн дээр нэмээд ЭЕШ-ийн даалгаврыг зохиож буй байдалд асуудал зөндөө. Нэг багшийг сонгоод л тэр багш нь өөрийн туршлага, мэдрэмжид тулгуурлан сайн зохиох байх гэдэгт найддаг, яг юуг үнэлэх гээд байгаагаа нарийн тодорхойлоогүй, шалгалтын форматаа тодорхой болгоогүй, даалгаврын тохироцод хийх шинжилгээ гээд тоочоод байвал асуудал зөндөө.

ЕБС-ийн сургалтын чанарт хамгийн их гай болж буй газар бол БҮТ. Энэ байгууллагад мэргэжил, аргазүйн эрс шинэчлэл хэрэгтэй.

Төр үүнд мөнгө зарцуулах, анхаарал хандуулах шаардлагатай.

Баатарын Батаа

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.