“Тахал” ба “Вакцин”

Twitter Print
2021 оны 02-р сар 17-нд 12:48 цагт
Мэдээний зураг,

Харьцангуй бие даасан улсууд, ОХУ, Хятад, Энэтхэг гээд, энэ вирусын асуудлыг өөрсдөө шийдэхээр хичээж байгаа нь барууныхны луйврын барьцаанд орохгүй гэсэн зорилготой байна. Гэвч "вакцины паспорт" гээчийг тэдний иргэдэд олгохгүй, та нарын вакцин ДЭМБ-ын баталгаагүй, хүчингүй гэх нь ойлгомжтой байжээ. Бид хөрш орнуудаас вакцин авбал дэлхийгээс тусгаарлагдах магадлалтай гэсэн үг л дээ.

Хаанахын ч бай богино хугацаанд гаргасан, аюулгүй нь бүрэн батлагдаагүй вакцин гээчийг эв эрүүл ямар ч хүн хийлгэхийг хүсэхгүй нь ойлгомжтой. Гэвч "вакцины паспорт"-гүй бол явах суухаас эхлээд төрийн болон бусад бүх үйлчилгээг авч чадахгүй нийгмээс тусгаарлагдах болно. Цэрэг, цагдаа нь ч шалгаад явуулахгүй биз. Вакцин хийлгэх нь сайн дурын шийдэх асуудал гэх боловч үнэн хэрэгтээ бид бүгд хүчээр хийлгэж л таараа. Тэртэй тэргүй дэлхий даяар туршилтанд орж байгаа хойно. Ирээдүйн хор уршиг нь бага байгаасай л гэж залбирахаас өөр аргагүй мухардал юм.

Харин ийнхүү яаран сандран вакцин гаргаж, дэлхий даяар "шахаж" байгаа нь вирус авсан бараг бүх хүн зүв зүгээр эдгэж байгаа, тэгээд ч амиа алдаж байгаа хүмүүсийг хуучин суурь өвчин нь авч яваад байгаа болохоос бие нь эрүүл бол вирус дангаараа 100 гаруй настай хүнийг ч авч явж чадахгүй байгаа, мөн түүнчлэн маш хурдан тархаж дэлхий даяар нийтийн дархлаа тогтоочих гээд байсантай холбоотой байж мэднэ. Манайд удахгүй эхлэх вакцинжуулалт нь ДЭМБ-ын Ковакс хөтөлбөр бөгөөд бүх зардал нь Дэлхийн банкны зээлээр санхүүжиж, бидний гадаад өр дээр хүүтэйгээ дарамт болох юм байна. Санхүүгийн боломжтой орнууд ямар нэгэн өр зээлгүйгээр шууд худалдан авалт хийж байгаа бол "ядуу" гэгдэх улсууд хүүтэй зээлээр Ковакс гэгчид орж байна. Өөрөөр хэлбэл, бид эрүүл мэндээрээ туршилтанд ороод зогсохгүй вакцины бизнесийн шахааны тойрогт нэгэнт оржээ гэсэн үг. Угтаа бол Монгол "ядуу" улс гэсэн ангиллаас аль хэдийн гарчихсан байх ёстой л доо.

Вакцинжуулалт нэг удаа ч биш цаашид тодорхой хугацаанд давтамжтайгаар үргэлжлэх болно. "Тахал"-тай зохицон амьдарна гэсэн ойлголт байхгүй, мөн цагдаагийн даргын анхааруулснаар шинжилгээ өгөхгүй, вакцин хийлгэхгүй гэвэл "халдварт өвчин тараасан" санкцаар эрүүгийн ял шийтгэл хүлээх тул байн байн шахуулаад, "паспорт"-оо аваад, улсаа өрөнд оруулаад явж байхаас өөр аргагүй юм.

Ковакс хөтөлбөрийн хэрэгжих болон санхүүжилтийн зарчмын дэлгэрэнгүй мэдээллийг https://www.gavi.org/.../COVAX-AMC-APPLICATION-GUIDANCE.pdf эндээс үзнэ үү.

Эх сурвалж: Baterdene Chimeddorj

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.