Өөрт буй үнэт эрдэнэ

Twitter Print
2021 оны 10-р сар 22-нд 16:41 цагт
Мэдээний зураг,

Хүний бие өөрийгөө эмчлэн засах чадалтай гэдэг нь өрнө дорнын анагаах ухаанд батлагдсан зүйл. Гол нь тэрхүү нууц түлхүүрийг олж тайлах явдал хамгаас чухал юм. Хүний биеэр тархсан нийт хялгасан судсыг сунгавал дэлхийн бөмбөрцгийг гол бүслүүрээр нь хоёр дахин урт ороох хэмжээтэй зүйл байдаг тухай зарим нөхөд уншиж байсан буй за.

Тийм урт нарийн хоолойнуудад цусыг 24 цагийн турш тасралтгүй шахах хүнд хүчир албыг ганц атгын чинээ зүрх хэмээгч нандин эрхтэн гагцаар гүйцэлдүүлэх боломжгүй нь мэдээж юм. Тэгвэл өөр ямар далд чухал хүчин зүйл зүрхний тэр хүнд ачааллаас хуваалцдаг байж таарах вэ?

Энэ асуудлын учгийг дорно дахины анагаах ухаан аль хэдэн мянган жилийн өмнө тайлж чадсан нь гайхалтай. Хүний биед үл үзэгдэх амин хийн хүчит урсгал тасралтгүй гүйхдээ цусны агшилт тэлэлтэд хүчирхэг дэм үзүүлж байдаг. Тэрхүү амин хийн судлууд хэвийн ажиллаж байх үед хүн эрүүл байна. Эд эрхтэнг тэжээн тэтгэх үүрэгтэй амин хийн судал суларч бөглөрсөн тохиолдолд өвчин эмгэг үүсдэг зүй тогтолтой аж.

Өнөөдөр дунд болон ахмад настай хүмүүст түгээмэл тохиодог шээс задгайрах өвчинг өөрөө эмчлэн засах тухай бичлэг оруулсан нь цөөнгүй хүмүүсийн анхаарлыг татжээ. Шээсний хэмжээ хэвийн атлаа ойр ойрхон шээс хүрдэг нь давсаг бөөрийг тэтгэдэг амин хийн судалд саатал үүснээс үүдэлтэй хэмээн нангиадын тэжээхүй ухааны сударт тэмдэглэсэн байдаг аж. Тэгвэл тэрхүү амин хийн судлыг хэрхин хэвийн байдалд оруулах вэ?

Өөр нэгэн хялбар аргыг та бүхэнд танилцуулъя. Хоёр гарын чигчий хуруунуудаа хоёрдугаар үеэр нь солбин дэгээ үүсгээд хүчлэн татах хэрэгтэй байдаг гэнэ. Та тийм байдалтай 5 минут барих буюу эсвэл чиглэлийг нь өөрчлөн 50 удаа хүчлэн татаж чадвал өөрт төвөг удаад байгаа асуудал удаж төдөлгүй засрах боломжтой хэмээх сонирхолтой бичлэгийг өнөөдөр үзэв.

Мартсанаас унтахын өмнө энэ дасгалыг хийж байвал өглөө болтол дахин босох асуудал байхгүй болохоор зүүд нойрондоо зөндөө сайхан амраад авах боломжтой хэмээн зөвлөсөн байна лээ. Та туршаад үзээрэй.

Д.Болдбаатар

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Ахмад настан

      (66.181.161.78) 2021-10-23 12:56
      • 0
      • 0

      Үргэлж хэрэгтэй мэдээлэл оруулж байдаг т баярлалаа амжилт хүсье

      Хариулах