Далай лам хойд дүрээ тодруулахгүй

Twitter Print
2014 оны 09-р сар 17-нд 08:17 цагт
Мэдээний зураг,

Буддын шашны тэргүүн  «Далай лам» гэсэн дээд хүндэлэлийн утга учир алдагджээ. Дээрхийн гэгээнтэн 142р Далай лам, өөрийг нь нас нөгчсөний дараа хойд дүрийг тодруулах хэрэггүй, “Далай лам гэдэг ухагдахуун улс төрийн эрх мэдлийн төлөө тэмцлийн үүднээс чухал байр суурьтай болсон. Гэтэл одоо энэ байдал өөрчлөгдсөн” гэж Германы сэтгүүлд ярилцлага өгөхдөө хэлсэн тухай бид өмнө нь мэдээлж байсан. 2011 оноос тэрээр бүрмөсөн тэтгэвэртээ гарсан. “Ингэснээр бараг таван зуун дамнан үргэлжилсэн Далай ламын ёс заншил дуусгавар болсон, үүнд гадны ямар ч нөлөө байхгүй. Иймээс улс төржүүлэх бодолтой байгаа хүмүүс 450 гаруй жил үргэлжилсэн Далай лам гэдэг ухагдахуун дуусгавар болсныг ойлгох хэрэгтэй” гэж тэрээр хэлжээ.

“Түвдийн буддизм ганцхан хүнээс хамааралтай байдаггүй. Манайд маш сайн бэлтгэгдсэн лам нар бий. Өнгөрсөн таван зуунд Энэтхэгт бид алхам алхмаар хүчтэй холбоо бий болгож чадсан” гэж тэрээр

Нобелийн Энхтайвны шагнал хүртэж байсан Далай лам өдгөө 79 настай, 1959 онд төрөлх нутаг Төвдээс зугтан гарч он удаан жил энхийн үйлсийн төлөө тэмцсэн тэрээр “Эмч нарын хэлж байгаагаар би 100 насална. Харин миний зүүдэлснээр бол 113 насална. Гэхдээ 100 наслах нь тодорхой гэж би бодож байна” гэж хэлсэн байна.

Харин тэрээр дахин эх дэлхийдээ эргэж төрөхийг хүсч байгаа аж. “Зовлон зүдгүүр байгаа цагт би энэ дэлхийд эргэн төрөхийн төлөө өдөр бүр залбирдаг. Гэхдээ зөвхөн энэ биеэрээ гэсэн үг биш, харин сүнс болон сэтгэлээрээ ч байж болох юм” гэж Далай лам хэлсэн байна.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.