Нидерландчуудад гадаадаас хүүхэд үрчлэхийг хориглолоо

Twitter Print
2021 оны 03-р сар 18-нд 17:31 цагт
Мэдээний зураг,

Нидерландын эрх баригчид БиБиСи агентлагийн эрэн сурвалжлах нийтлэлтэй холбоотойгоор нидерландчуудад гадаадын улс орнуудаас хүүхэд үрчлэхийг хоригложээ.

БиБиСи агентлагийн эрэн сурвалжлах сэтгүүлчид 1967-1998 оны хооронд Бангладеш, Бразил, Колумб, Индонези болон Шри Ланка улсад төрсөн хүүхдүүдийг Нидерланд улсын иргэдэд үрчлүүлсэн хэргүүдийг шалгажээ. Шалгалтын явцад 1967-1998 оны хооронд мөн үүнээс өмнө ба дараа нь ч нидерландчууд дээрх улс орнуудаас хүүхдүүдийг олон тооны зөрчилтэйгээр үрчилж, Нидерланд улсад авчирч байсан нь тогтоогджээ.

Үүнд хуурамч бичиг баримт бүрдүүлэх, эцэг эхээс нь зөвшөөрөл авалгүйгээр хүүхдүүдийг нь хулгайлах, эхээс хүүхдийг нь хүчээр салгаж авах, хүүхдийг нь мөнгөөр худалдаж авах зэрэг ноцтой зөрчлүүд илэрчээ. Түүнчлэн сэтгүүлчид Нидерландын эрх баригчид эдгээр зөрчлүүдийн талаар мэддэг, зарим нь үүнд гар бие оролцсон байсныг тогтоосон ба Нидерландын засгийн газар өнөөг хүртэл уг асуудлыг нухацтай авч үзэж байгаагүй аж. Нидерландын иргэдэд үрчлэгдэж, тус улсад амьдарч буй иргэд төрсөн эцэг эхээ хайх явцдаа олон тооны бичиг баримтын зөрчлүүдийг илрүүлжээ.

Жишээ нь үрчлэх бичиг баримт дээр нь бичигдсэн төрсөн эцэг эх нь үнэн хэрэгтээ төрсөн эцэг нь биш байх явдал их гарчээ. Гадаадаас үрчлэгдсэн тэдгээр хүүхдүүдийн дийлэнх нь нас биед хүрсэн ба Нидерланд улсын Гадаадын улс орноос хүүхэд үрчлэх тухай хууль журам нь хүний наймааг дэмжиж байна хэмээн үзэж байна.

Эх сурвалж: BBC

Содномцэрэнгийн Энхзаяа 

mongolcom.mn 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.