JLo-г Сингапур, Малайзид хориглов

Twitter Print
2015 оны 09-р сар 23-нд 15:21 цагт
Мэдээний зураг,

Дуучин Женнифер Лопезын тоглолтыг Сингапур, Малайзын Соёлын яам хориглож, тоглолт зохион байгуулах эрх олгохоос татгалзсан байна.

Учир нь Сингапурын талаас “Дуучин бүсгүй сүүлд гаргасан “Booty” зэрэг уран бүтээл нь өсвөр үеийнхэнд буруу үлгэр дуурайлал үзүүлэхээр дүрс, имижтэй. Мөн Женнифер Лопез тоглолтынхоо үеэр хэтэрхий задгай хувцас сонгож, үзэгчдийг илтэд үл хүндэтгэдэг. Тиймээс дуучинд татгалзсан хариу өгсөн” гэжээ.

Харин Малайзын Соёлын яам Лопезын тоглолтынх нь тасалбар дээр Буддын шашиныг гутаасан мөрт бичигдсэн хэмээв. Тус тасалбар дээр “Будда, Христ хүртэл миний тоглолт дээр бүжиглэдэг” гэж бичсэн байжээ.

Холливуудын нэр бүхий одод сайн уран бүтээл гэхээсээ илүүтэй сахилгагүйтэх, задгай стиль имижээр хувцаслаж үзэгчдийг татах оролдлого хийх, тайзан дээр соёлгүй байдал гаргаж бусдыг болон бусад үндэстнийг гутаан доромжлох зэрэг зохисгүй үйлдлээрээ нэрд гарахыг хичээдэг. Эдний тоонд үргэлж гаж байдлаар хувцасладаг Лэди Гага, үзэгчдийнхээ дээрээс шүлсээ хаясан Жастин Бибер, өрсөлдөгч дуучныхаа дүрс бүхий чихмэлийг тайзнаас авч шидэх, Мексикийн далбаагаар бөгсөө арчих зэрэг зохисгүй үйлдэл гаргах болсон Майли Сайрус, тайзыг секс ордон болгох дуртай Мадонна зэрэг дуучид ордог бол одоо араас нь хөгширөхөөсөө өмнө өгзөгөөрөө алдарших гэсэн Женифер Лопез ийнхүү хар дансанд бичигдэж байна.  

Л.Отгонбат

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.