Францын хотуудад иргэд КОВИД-19 вакцины гэрчилгээг эсэргүүцэн жагсчээ

Twitter Print
2021 оны 09-р сар 13-нд 13:50 цагт
Мэдээний зураг,

Өнгөрсөн бямба гарагт Францын хэд хэдэн хотод ойролцоогоор 121 мянган иргэн КОВИД-19 эсрэг вакцинд хамрагдсаныг гэрчлэх гэрчилгээ буюу паспортыг нэвтрүүлэхийг эсэргүүцэн жагсчээ.

Жагсагчдын үзэж байгаагаар вакцины гэрчилгээ нь вакцинд хамрагдаагүй иргэдийг ялгаварлан гадуурхаж буй явдал аж Францын BFM TV сувгаар мэдээлснээр Парист болсон жагсаалд 19 мянган хүн оролцсон ба Елисейн гудамжинд цагдаа нар болон жагсагчид хооронд мөргөлдөөн үүсч, цагдаагийн 3 албан хаагч шархджээ.

Түүнчлэн цагдаа нар 96 хүнийг баривчилсан байна. Францын Тулуз хотод болсон жагсаалын үеэр жагсагчид гудамжинд амны хаалт зүүж яваа иргэдтэй сөргөлцөж, хоорондоо зодолдож буй бичлэг нийгмийн сүлжээгээр мөн тархаад байна.

Вакцины гэрчилгээг эсэргүүцэгчид 9 дэх долоо хоногоо жагсаал цуглаан зохион байгуулж байгаа ба жагсагчдын тоо тасралтгүй буурч байгааг BFM TV суваг онцолжээ.

Францын Дотоод хэргийн яамнаас мэдээлж байгаагаар 3, 4 долоо хоногийн өмнө жагсагчдын тоо 165-175 мянга байсан бол 2 хоногийн өмнө 140 мянга болж буурсан ба өнгөрсөн долоо хоногт 120 мянга руу буужээ.

Эх сурвалж: news.com.au/world/coronavirus/

Содномцэрэнгийн Энхзаяа

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.