СТЕФЕН КӨРРИ "ПАРИС-2024" ОЛИМПИЙН НААДАМД ОРОЛЦОХ ХҮСЭЛТЭЙ
НБА-ийн супер од , "Голден стэйт уорриорз" багийн тоглогч Стефен Көрри ирэх 2024 онд Францын нийслэл Парис хотноо болох зуны олимпийн ХХХIII наадамд оролцох хүсэлтэй байгаа ажээ.
Мэргэжлийн сагсанбөмбөгийн хамгийн хүчирхэг лиг болох НБА-ийн дөрвөн удаагийн аварга маань АНУ-ын сагсанбөмбөгийн шигшээ багт тоглон ДАШТ-д хоёр удаа (2010,2014) түрүүлж байсан ч олимпийн наадамд оролцож байгаагүй билээ.
Тэгвэл түүнтэй хамт аваргын бөгжийг дөрвөн удаа зүүсэн багийн нөхөд нь бүгд Олимпийн аварга болж байсан юм.
Тухайлбал Дрэймонд Грин 2016, 2020 оны, Клэй Томпсон 2016 оны, Андре Игудала 2012 оны олимпийн алтан медальтай.
Дашрамд дурьдахад өнөөдөр "Мемфис"-тэй хийсэн тоглолтод Стеф 21,000 дахь онооны босгыг давсан түүхэн дэх анхны "Дайчин" боллоо.
Ц.Энхтүвшин
Энэ мэдээ танд таалагдаж байвал LIKE хийгээрэй. Танд баярлалаа.
