Аялаагүй бүүвэйг бид хүсээгүй

Twitter Print
2014 оны 09-р сар 26-нд 11:06 цагт
Мэдээний зураг,

Өнөөдөр жирэмслэхээс хамгаалах эм, хэрэгслийн дэлхийн өдөр тохиож байна. Энэ өдрийг 2007 оноос эхлэн дэлхий нийтээр тэмдэглэн иржээ. Энэ жил “Хүүхэд бүр хүссэн байх ёстой” гэсэн уриатай тэмдэглэж буй үр хөндөлтийн эсрэг өдөр олон арга хэмжээ зохион байгуулж байгаа аж. Өнөөдөр эцэг эхчүүд, оюутан залууст “Хүслээр ирсэн бэлэг” гэр бүлийн сэтгэлзүй, гэр бүл төлөвлөлтийн арга хэрэгслийн талаархи лекц, уулзалт, ярилцлагыг хийх юм байна.

Өнгөрсөн онд  манай улсад үр хөндөлтийн 15.628 тохиолдол бүртгэгдэж, 1000 амьд төрөлтөд 195, нөхөн үржихүйн насны 1000 эмэгтэйд 18.4 үр хөндөлт ногдож байна. Мөн 1000 эмэгтэй тутмын 552 буюу 55,2 хувь нь жирэмслэхээс хамгаалах эм, хэрэгслээс сонгон хэрэглэдэг гэнэ. Ийнхүү жирэмслэхээс хамгаалах эм, хэрэгслийн хэрэглээ бага байгаа нь хүсээгүй жирэмслэлт, БЗХӨ, ХДХВ/ДОХ-ын халдварт өртөх эрсдэлийг нэмэгдүүлж байна гэж эмч, мэргэжилтнүүд үзэж байгаа юм. Жил бүр дэлхий дээр 208 сая жирэмслэлт бүртгэгдэж байгаагийн 41 хувь буюу 85.2 сая нь хүсээгүй жирэмслэлт байдаг гэсэн тоо баримт байна. Мөн жилд 15-19 насны охидын 16 сая жирэмслэлт бүртгэгдэж байгаа бөгөөд энэ насны бүлэг дэх нас баралтын зонхилох хувийг жирэмслэлттэй холбоотой шалтгаан эзэлж байна гэж ДЭМБ-аас гаргасан судалгаанд дурджээ.

Э.Гүнтөмөр

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.