Хөдөө орон нутгийн иргэдийг өнөөдрөөс эхлэн орон нутаг руу зорчуулж эхэллээ

Twitter Print
2020 оны 12-р сар 01-нд 11:57 цагт
Мэдээний зураг,

Нийслэл Улаанбаатар хот болон орон нутагт гацсан иргэдийг өнөөдрөөс эхлэн хот хооронд зорчуулж эхэллээ. Энэ зохицуулалт 10 хоног үргэлжилнэ.

Улаанбаатар хот болон аймаг, орон нутагт хязгаарлалтад байгаа 85000 иргэд зорчих хүсэлтээ ирүүлсэн тухай албаныхан хэлж байсан. 

Улсын хэмжээнд гамшгаас хамгаалах бүх нийтийн бэлэн байдлын зэрэгт шилжүүлсэн хугацаанд улаанбаатар хот болон аймаг, орон нутагт хязгаарлалтын дэглэмд байгаа иргэдийг батлагдсан түр журмын хүрээнд оршин суух газарт нь буцаах зохион байгуулалтын арга хэмжээг Монгол Улсын Засгийн газар, Зам, тээврийн хөгжлийн яамнаас холбогдох мэргэжлийн байгууллагуудтай хамтран зохион байгуулж байна.

ХОРИО ЦЭЭРИЙН ДЭГЛЭМИЙН ҮЕД ХОТ ХООРОНД ЗОРЧИХ ИРГЭД ДАРААХ ҮҮРЭГ ХҮЛЭЭНЭ

1. Иргэн та гар утас болон цахимаар www.119.mn-руу орж Улаанбаатар хотоос орон нутагт зорчих, орон нутгаас нийслэл хот руу зорчих болон аймаг, сум хооронд зорчих хүсэлт бүртгэх, шинжилгээ өгөх газраа сонгож, цаг товлоно.

2. Товлосон газраа, товлосон цагт очиж, шинжилгээгээ өгнө.

3. Шинжилгээний хариуг www.119.mn-ээс “Шинжилгээний хариу авах” цэснээс регистерийн дугаараар шалгаж авна.

4. Шинжилгээ өгч хариу авсаны дараа 48 цагийн дотор та хот хооронд зорчих хөдөлгөөнд оролцох шаардлагатай. Та нийтийн тээврийн үйлчилгээгээр зорчих бол тасалбараа www.eticket.transdep.mn рүү орж, захиална.

5. Билетээ захиалж авсны дагуу товлосон өдөр, цагтаа явах газраа очиж, нийтийн тээврийн унаанд бүртгэлээ баталгаажуулан сууна.

6. Нийтийн тээврийн хэрэгслээр зорчихдоо халдвар хамгааллын дэглэмийг маш сайн баримталж явах тул хувийн бэлтгэлээ сайтар хангах шаардлагатай.

7. Очих газраа очиж, гэрийн тусгаарлалтад 14 хоног байх ба дотны хүмүүстээ халдвар дамжуулж, бусдад тараахгүйн тулд заавар, журмыг сайтар баримтална. 

8. Очсон газраа эмч, эрүүл мэндийн байгууллагад хандаж, Ковид-19-ийн халдвар илрүүлэх шинжилгээнд дахин хамрагдана.

Хязгаарлалтын дэглэмд байгаа нийт 85000 иргэдээс 76000 иргэн Улаанбаатараас орон нутаг, орон нутгаас Улаанбаатар хүрэх 14 аймгийн төвийн чиглэлд Автотээврийн үндэсний төвийн гэрээт албан ёсны тээврийн хэрэгслээр зорчихоор хүсэлтээ ирүүлсэн бөгөөд шинжилгээний хариу сөрөг гарсан иргэдийг тээвэрлэхээр бэлтгэл ажлыг бүрэн хангаж, төлөвлөлт хийжээ. 

Өнөөдрийн байдлаар Улаанбаатар хотод 304 тээврийн хэрэгсэл 427 жолооч, орон нутагт 216 тээврийн хэрэгсэл 384 жолооч ажиллахад бэлэн байгаа талаар Автотээврийн үндэсний төвөөс мэдээллээ.

Иймд шинжилгээний хариу сөрөг гарсан тохиолдолд тээврийн хэрэгслийг хангалттай байгаа учир дараах зурагт үзүүлсэн схемийн дагуу халдвар, хамгааллын дэглэмийг сахиж үйлчлүүлэхийг мэргэжлийн байгууллагуудаас сануулж байна.

Тээвэрлэлттэй холбоотой асуудлаар Автотээврийн үндэсний төвийн 1900-1234 тусгай дугаарт залгаж, мэдээлэл авах боломжтой.

Улаанбаатар хотоос орон нутаг руу зорчигч тээврийн үйлчилгээг "Драгон", "Лавай", "Тэнгэр" төвүүдээс 08:00-16:00 хооронд зохион байгуулна.

Архангай аймагт халдвар илэрч, УОК-оос хөл хорио тогтоох шийдвэр гарсантай холбогдуулан тус чиглэлд тээвэрлэлт зохион байгуулахгүй гэдгийг албаныхан санууллаа.

Гацсан иргэдийг өнөөдрөөс эхлэн орон нутаг руу зорчуулж эхэллээ

Гацсан иргэдийг өнөөдрөөс эхлэн орон нутаг руу зорчуулж эхэллээ

Гацсан иргэдийг өнөөдрөөс эхлэн орон нутаг руу зорчуулж эхэллээ

Гацсан иргэдийг өнөөдрөөс эхлэн орон нутаг руу зорчуулж эхэллээ

 
 
 
 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.