Улаанбаатараас орон нутаг руу зорчих хөдөлгөөнийг нээлээ

Twitter Print
2021 оны 03-р сар 01-нд 09:44 цагт
Мэдээний зураг,

УОК-ын шийдвэрийн дагуу өнөөдрөөс Улаанбаатараас орон нутаг руу зорчих хөдөлгөөнийг нээж байна.

Уг шийдвэрийг УОК өнгөрсөн сарын 25-ны хуралдаанаар гаргасан бөгөөд иргэдэд чирэгдэлгүй үйлчлэхийг холбогдох албанынханд үүрэг болгосон юм. 

Иргэд орон нутаг руу хувийн автомашинаар болон нийтийн тээврээр зорчино. Ингэхдээ коронавирусний ПСР шинжилгээ өгсөн байх, хариу сөрөг гарсныг нотлох баримттай байх ёстой юм. Мөн шинжилгээний хариу гарсан өдрөөсөө хойш 72 цагт хүчинтэй. Хэрэв шинжилгээний хугацаа 72 цаг хэтэрсэн бол аймаг, орон нутгийн асуудал хариуцсан албаныхан иргэдээсээ түргэн оношлуураар шинжилгээ авах эрх нь нээллтэй гэдгийг Засгийн газрын Хэвлэл мэдээлэлтэй харилцах газраас мэдээллээ.

Коронавирусийн халдвар бүртгэгдсэн бүс нутгаас ирсэн зорчигчийн дараах бичиг баримтыг шалгаж, халдвар хамгааллын дэглэмийг мөрдүүлж хот хооронд нэвтрүүлнэ. Үүнд:

-Иргэний үнэмлэх болон хувийн мэдээллийг нотлох бусад бичиг баримт,

-Коронавирусийн халдварын  PCR  шинжилгээний “сөрөг” хариу /72 цагийн дотор шинжилгээг өгсөн байх/

-Хамт болон дагалдан яваа гэр бүлийн гишүүдийн аль нэг нь PCR шинжилгээ өгсөн байж болно

-Коронавируст халдварын эсрэг вакцины бүрэн тунгаа авсан эсвэл тус халдварт өвчнөөр өвчилж, эдгэрсэн иргэдийн мэдээллийг шалгаж, бүртгэлжүүлж нэвтрүүлнэ.

-Албан болон шуурхай ажлын шугамаар хот хооронд дамжин өнгөрч буй эсвэл 24 цагийн хугацаанд ирж, буцах зорчигчийг тухайн харьяалах байгууллагын томилолт, холбогдох байгууллагын шийдвэрийг үндэслэн нэвтрүүлж, гэрийн ажиглалтад шилжүүлэхгүй.

-Халдвар илрээгүй бүс нутгаас зорчих хөдөлгөөнөө эхлүүлсэн иргэдээс PCR шинжилгээний хариу шаардахгүй бөгөөд халдвар хамгааллын дэглэмийг мөрдүүлж, эсвэл эрүүл мэндийн асуудлыг үндэслэн хот хооронд нэвтрүүлнэ.

-Халдвар илэрсэн бүс нутгаас тээвэрлэлт гүйцэтгэсэн жолоочийн ажил, амралт болон халдвар хамгааллын дэглэмийг сахиулахад тухайн орон нутгийн Онцгой комиссын Шуурхай штаб хяналт тавьж, шинжилгээнд хамруулж буцаана.

Хувийн болон албаны тээврийн хэрэгслээр зорчихдоо дараах журмыг баримтална. Үүнд:

-Хувийн болон албаны тээврийн хэрэгслээр зорчиж буй иргэд /үүнд жолооч хамаарна/ PCR шинжилгээний “сөрөг” хариу, иргэний үнэмлэх, түүнтэй адилтгах бичиг баримт, албан ажлаар зорчих бол албаны үнэмлэх, томилолт эсвэл тодорхойлолтыг биедээ авч явна.

-Зорчих явцад хэрэглэсэн амны хаалт, бээлий, ахуйн хог хаягдлыг тухайн тээврийн хэрэгслийн жолооч цуглуулж, хог хаягдлыг цуглуулах цэгт битүүмжлэн хаяна.

-Коронавируст халдварын эсрэг вакцины бүрэн тунгаа авсан эсвэл тус өвчнөөр өвдөх, эдгэрсэн бол энэ талаарх баримтыг авч явна.

-Халдвар илэрсэн бүс нутгаас өөрийн оршин суух газар руу зорчиж буй эсвэл удаан хугацаагаар байрлах иргэн 7 хоногийн хугацаанд гэрийн тусгаарлан ажиглалтад байна.

-Халдвар илрээгүй бүс нутгаас зорчиж буй иргэд эрүүл мэндийн асуумжийг үнэн зөв бөглөж, халдвар хамгааллын дэглэмийг мөрдөнө.

-Харин аймгуудын хувьд тухайн иргэний PCR-ийн хариу 72 цагаас хэтэрсэн тохиолдолд түргэвчилсэн тестээр шинжилгээ авч нэвтрүүлэх юм.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.