Олуулаа нийлж эмэгтэйчүүдийг зодсон этгээдүүдэд хатуу шийтгэл ноогдуулахыг шаардаж байна

Хятадын зүүн хойд зүгийн Таншань хотын нэгэн зоогийн газарт эрчүүд олуулаа нийлж тус зоогийн газраар үйлчлүүлж байсан эмэгтэйчүүдийн биед халдаж буй бичлэг Хятадын нийгмийн сүлжээний гол сэдэв болж, бухимдсан иргэд халдлага үйлдсэн эрэгтэйчүүдэд хатуу шийтгэл оноохыг шаардаж, нийгэмд эмэгтэйчүүдэд хандах хандлагын асуудлыг хөнджээ.

Хятадын Weibo нийгмийн сүлжээнд тархсан уг бичлэг дээр нэг эрэгтэй зоогийн газраар үйлчлүүлж буй эмэгтэйн биед зөвшөөрөлгүй хүрсэнд тухайн эмэгтэй уурлаж байгааг харж болох юм. Үүний хариуд эрэгтэй тухайн эмэгтэйг шууд цохиж байгаа нь харагдаж байна.

Тухайн эмэгтэйтэй хамт хоол идэж байсан хоёр эмэгтэй мөн халдлагад өртөж, зоогийн газарт байсан эрчүүд олуулаа нийлж тэдгээр эмэгтэйчүүдийг зодож, цохиж байгааг харж болох юм. Орон нутгийн цагдаагийн газраас мэдээлснээр халдлагад өртсөн эмэгтэйчүүд эмнэлгийн тусламж үйлчилгээ авсан ба хөнгөн бэртэл гэмтэл авсан аж.

Түүнчлэн хэрэгт холбогдсон 9 этгээдийг бүгдийг нь баривчилсан ба мөрдөн байцаах ажиллагаа явагдаж байгааг Олон нийтийн аюулгүй байдлын хороо Weibo дахь хуудсандаа бичжээ.

Болсон үйл явдал Weibo нийгмийн сүлжээний хамгийн их хандалттай сэдэв болж, Хятадын төрийн өмчит сувгууд сэжигтнүүдэд хатуу шийтгэл ногдуулахыг уриалжээ.

Бүх Хятадын Эмэгтэйчүүдийн холбооны Чайна Вүмэнс Ньюс сайт эмэгтэйчүүдийг эрх, ашиг сонирхлыг ноцтойгоор зөрчсөн харгис хэрцгий гэмт хэргийг үл тэвчиж болно хэмээн бичжээ.

Эх сурвалж: Reuters

Содномцэрэнгийн Энхзаяа

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.