Дэлхийн хүн ам өсөхийн хэрээр ан амьтад хорогджээ

Twitter Print
2015 оны 06-р сар 12-нд 11:04 цагт
Мэдээний зураг,

Дэлхийн хүн ам хоёр дахин өсөж, тэр хэрээр сээр нуруутан амьтдын тоо толгой цөөрчээ. Онгон байгалийг хамгаалах Дэлхийн сангаас (WWF) хүн төрөлхтнийг цочирдуулсан статистик эл мэдээллийг нийтэлжээ. Өнөөгийн бидний хүрээлэн орчны нөхцөл байдлыг тодорхой үнэлж дүгнэсэн тус байгууллагын Living Planet Report илтгэлд сүүлийн дөчин жилийн хугацаанд сээр нуруутан амьтдын тоо толгой хоёр дахин хорогдсон болохыг дурьдсан байна.

Хамгийн түрүүнд цэнгэг усны төрөл зүйлийн амьтдын тоо толгой 76% хорогдсон бол далайн амьтдынх 39%, хуурай газрынх  39% тус тус хорогдсон тухай илтгэлд тэмдэглэсэн байна.

Ялангуяа Өмнөд Америкт нөхцөл байдал онцгой анхаарал татахуйц 83% байгаа бол Ази-Номхон далайн бүс нутагт 67%, Европ, Оросын бүс нутаг, Хойд Африкийг хамруулаад Палеарктикийн бүс 30%-аар тус тус хорогдсон аж.

"Амьтны ертөнцийн тоо толгойн өсөлт бидний эх болсон дэлхийтэйгээ яаж харьцаж байгааг илтгэх барометр болдог" хэмээн WWF-ийн илтгэлд тэмдэглэсэн байна.

Өнгөрсөн дөчин жилийн хугацаанд харин хүн төрөлхтний тоо асар хурдацтай өсөж  3,7 тэрбумаас 7 тэрбум хүрсэнээр эх байгалийн сүйрэлийг нөхөн сэргээх боломж улам бүр алдагдаж байгаа аж.

Хүн төрөлхтөн ой модыг ургаж төлжих хэмжээнээс нь илүү тайрч устган, далай тэнгис тогтвортой тэнцвэрт хүргэх чадлаас нь илүү ихээр загас агнаж, агаар мандалд хэр хэмжээнээс илүү нүүрс хүчлийн хий ялгаруулж байгаа учир хэрвээ дэлхий дахины жил тутмын хэрэгцээг хангахын тулд дахин бүтэн хагас хэмжээтэй дэлхийн бөмбөрцөг шаардагдах болхыг илтгэлд онцолсон байна.

Сэтгүүлч Л.Отгонбат

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.