Сонгуулийн дүнг эсэргүүцсэн иргэд 2 дахь өдрөө дараалан жагсч байна

Twitter Print
2020 оны 08-р сар 11-нд 11:55 цагт
Мэдээний зураг,

Өнгөрсөн ням гарагт болсон Ерөнхийлөгчийн сонгуулийн санал хураалтын дүнг эсэргүүцсэн беларусчууд хоёр дахь өдрөө дараалан жагсч байна. Санал хураалтын дүнгээр нэр дэвшигч А. Г. Лукашенко 80.23 хувийн саналаар ялалт байгуулсан бол түүний гол өрсөлдөгч Светлана Тихановская 9.9 хувийн санал авсан аж.

Сөрөг хүчнийхэн бол иргэдийн үзэж байгаагаар сонгууль ил тод, шударга явагдаагүй ба санал хураах байруудад ажиглагч нарыг байлгаагүй мөн урьдчилсан санал хураалтаар нийт сонгогчдын 40 хувь нь саналаа өгсөн зэрэг нь сонгуулийн дүнг луйвардах боломжийг олгожээ. Беларусийн нийслэл Минск хотод хэдэн мянган иргэд эсэргүүцлийн жагсаал зохион байгуулсаныг тараахын тулд цагдаа нар резинэн сумтай буу, нулимс асгаруулагч хий зэргийг ашигласан бол жагсагчид хууль сахиулагчид руу Молотовын коктейль шидэж байжээ.

Жагсаалын үеэр цагдаа нар хэд хэдэн иргэдийг баривчилсан байна. Беларусийн Дотоод хэргийн яамнаас мэдээлснээр жагсаалын үеэр нэг иргэн цагдаа нар луу тэсрэх төхөөрөмж шидэх гэж байгаад тэсрэх төхөөрөмж гарт нь дэлбэрч, амиа алджээ. Метроны зарим буудлууд хаахад хүрч, интернет сүлжээ хоёр дахь өдрөө дараалан доголдож байгаа аж. Сөрөг хүчний нэр дэвшигч Светлана Тихановская сонгуулийн үр дүнг бодит байдалд нийцэхгүй байна хэмээн хүлээн зөвшөөрөхгүй гэдгээ мэдэгдсэн юм. Ерөнхийлөгчийн сонгуульд ялалт байгуулсан А. Г. Лукашенкод ОХУ, БНХАУ, Казахстан, Узбекистан, Молдав болон Азербайжан улсын төрийн тэргүүнүүд баяр хүргэжээ.

Харин ХБНГУ-ын засгийн газар Беларусийн Ерөнхийлөгчийн сонгуулийн үйл ажиллагаа стандартад нийцээгүй гэдгийг онцолж, сонгуулийн үр дүнд эргэлзэж буйгаа илэрхийлсэн бол АНУ Беларусийн засгийн газарт хандан "тайван жагсаал цуглаан зохион байгуулах, үзэл бодлоо илэрхийлэх иргэдийн эрхийг хүндлэхийг" шаардсан байна. Европын Холбооны зөвлөлийн Ерөнхийлөгч Урсула фон дер Лейен сонгуулийн үр дүнг ил тод нийтлэхийг хүссэн ба иргэдийн жагсаал цуглааны үеэр жагсагчдын эсрэг хүч хэрэглэх дарах явдал Европын холбоонд байж боломгүй зүйл гэдгийг онцолжээ.

Эх сурвалж: BBC

Содномцэрэнгийн Энхзаяа 

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.