KPMG Football Benchmark сэтгүүл өнгөрсөн улирал хамгийн ашигтай ажилласан Европын клубыг тодруулжээ. Ингээд Байерн Мюнхен 2020-21 оны улиралд ашигтай ажилласан Европын цорын ганц лигийн аварга баг болжээ.
Байерн Мюнхен Европын шилдэг найман лигээс 2020-2021 онд ашигтай ажилласан цорын ганц аварга баг болсон бөгөөд коронавирусын тахал Европын хөлбөмбөгт ихээр нөлөөлж байгууд санхүүгийн алдагдалд ихээхэн орж байгаа.
KPMG Football Benchmark сэтгүүлийн "Европын аваргуудын тайлан"-д Англи, Испани, Герман, Итали, Франц, Нидерланд, Турк, Португалийн лигт түрүүлсэн багуудын санхүүгийн байдалд дүн шинжилгээ хийжээ.
Энэ хооронд Премьер лигийн аварга Манчестер Сити өмнөх улиралтай харьцуулахад орлого нь өссөн цорын ганц клуб байлаа. Сити нийт 537.3 сая фунт стерлингийн орлого олсон нь Байерн, Атлетико Мадрид, Аякс, Спортинг Лиссабон, Лилль, Интер Милан, Бешикташ зэрэг 8 лигт түрүүлсэн багуудын хамгийн өндөр үзүүлэлт юм.
Аваргуудын лигийн финалд шалгарч авсан шагналын мөнгө болон өргөн нэвтрүүлгийн орлого нэмэгдсэнээр Ситигийн орлого нь Ковидоос өмнөх сүүлийн улирал болох 2019-2020 онд 96 сая евро, мөн 18-19 оныхоос илүү байсан.
Байерны 2020-2021 оны ашиг татварын дараа 1.8 сая евро байжээ. Сери А-гийн аварга Интер Милан 2020-2021 оны хооронд 245.6 сая еврогийн цэвэр алдагдал хүлээсэн нь Италийн хөлбөмбөгийн клубын түүхэнд байгаагүй өндөр үзүүлэлт юм.
Тэгвэл Испанийн аварга Атлетико Мадрид 2019-2020 оны жилд 1.8 сая еврогийн цэвэр алдагдалтай байсан бол 2020-2021 он 111.7 сая евро болтлоо өсчээ.
Хэдийгээр Ситигийн орлого нэмэгдсэн ч клуб наймаанд 294 сая еврогийн цэвэр зарлага хийжээ. Английн аваргууд мөн дэлхийн хамгийн өндөр зах зээлийн үнэлгээгээр 1 тэрбум 237 сая еврогоор тэргүүлж байгаа ба Манчестер Юнайтед, Челси хоёр тэрбум еврогийн босго давсан цорын ганц клуб юм.
Дэлгэрмаагийн Баасанжаргал
Энэ мэдээ танд таалагдаж байвал LIKE хийгээрэй. Танд баярлалаа.
