Таны бөөр унжсан уу?

Бөөр нь хэвлийн гялтангийн арын зайд, цээжний 12 нугалмаас бүсэлхийн 3 нугалмын хооронд байрладаг.

Баруун бөөр арай доор байрлах бөгөөд хоёул хүнийг амьсгалах, хэвтэх, босох зэргээр байрлалаа өөрчлөх тоолонд дээш, доош хөдөлж байдаг. Энэ шилжих хөдөлгөөн нь амьсгаа хэр зэрэг гүнзгий авах, гаргах зэрэгтэй холбоотой. Гэхдээ бөөр хэвийн үедээ 3-5 см-аас ихгүй байх ёстой Хэрэв энэ байрлал 5 см-ээс илүү өөрчлөгдөхийг бөөр унжилт гэнэ.

Бөөр унжих нь 20-45 насны хүмүүст голдуу тохиолдох бөгөөд эмэгтэйчүүдэд эрэгтэй хүнийг бодоход 6-7 дахин их тохиолдож байна. Бөөр унжилт үүсгэхэд нөлөөлдөг хүчин зүйлс:

өндрөөс үсрэх, унаж бэртэх,

бүсэлхийгээрээ огцом хүчтэй нугарах

бөөрний тус газар цохиулах

хүнд зүйл огцом өргөх

турж эцэх

архаг хууч өвчинд нэрвэгдэх

хэвтэрт удсанаас булчин сулрах

Бөөр унжсан үед илрэх шинж тэмдэг

Бөөр унжсан үед гүйж харайх, удаан зогсож ажиллах, хүнд зүйл өргөж зөөх, унаагаар бартаатай замд удаан явсны дараа бүсэлхий ууц нуруугаар чилж, унжиж өвдөх ба хэвтэхэд өвдөлт намддаг.

Авах арга хэмжээ:

Бөөрний унжилтын хүнд, хөнгөний зэрэгтэй уялдуулан эмчийн бичгээр протезийн үйлдвэрт биеэр очиж хэмжээ өгөн тусгай хувцас захиалж өмсөх нь хэвлийн ханыг дарж түүний дотоод даралтыг нэмэгдүүлснээс бөөрийг хэвийн байрлалд нь байлгах ач холбогдолтой. Гэхдээ онцолж анхаарах зүйл бол уг даруулгыг өглөө босоогүй хэвтэрт байхдаа өмсөх хэрэгтэй. Учир нь босолгүй удаан хэвтэхэд бөөр хэвийн байрлалд орсон байдаг бөгөөд босоход доошилсон байдаг юм. Даруулгын товчыг доороос нь дээш чиглэлд товчлох ба өдөр өмсөөд шөнө нь тайлж байх хэрэгтэй. Үүнийг үргэлж өмсөх нь хэвлийн булчинг улам сулруулж болдог учир үе үе удаан зогсох явах үедээ өмсөх нь зүйтэй.

Хэвлийн булчинг чангалах зорилгоор хөнгөн хэлбэрийн гэдэсний таталт дасгалыг өглөө, орой бүр 15 удаа хийнэ. Дасгалыг хоолны дараа хийхгүй, хоолноос хойш 2 цагийн дараа хийгээрэй. Бөөр унжсанаар шээлүүр нугаларч улмаар бөөрний аяганцар, тэвшинцэрийн үрэвслийг үүсгэх , бөөрний архаг өвчин үүсгэх нөхцөл үүсдэг. Иймээс бөөрийг хамгаалах зорилгоор та #цистон эмийг 2ш өдөрт 2 удаа 3 сарын турш ууж хэрэглэн, бөөрний үрэвсэл үүсэхээс сэргийлээрэй.

Бөөр унжсан үед доргио чичиргээтэй нөхцөлд удаан зогсож ажиллах, бартаатай замаар унаагаар удаан явах, хүнд зүйл өргөх зэргийг хориглоно.

"Godsend” эмнэлгийн Бөөр, бөөрний мэс засал, эрэгтэйчүүдийн зөвлөх эмч Ж.Хорлоо

Энэ мэдээ танд таалагдаж байвал LIKE хийгээрэй. Танд баярлалаа.