А.Ди Мария “7” дугаарыг сонгосон нь учиртай

Twitter Print
2014 оны 10-р сар 24-нд 17:57 цагт
Мэдээний зураг,

Аргентины шигшээгийн тоглогч А.Ди Мария “Манчестер Юнайтед” багт ирсэн билээ. Тэрээр таван тоглолт хийхдээ гурван гоол оруулж, шинэ багтайгаа гайхалтай зохицож буйгаа харуулсан. Мөн “7” дугаарыг сонгож авсан нь учиртай гэнэ. Энэ тухай А.Ди Мария хэлэхдээ “7 дугаарыг өмсөнө гэдэг нэр төрийн хэрэг. Мөн Д.Бэкхем, К.Роналду нар “7” номертой тоглож Аваргуудын лигт түрүүлсэн. Би Манчестерт аваргын цом авч ирэхийг хүсэж байна” гэсэн юм. Тэрээр 2010-2014 оны хооронд “Реал Мадрид”-ын бүрэлдэхүүнд тоглохдоо 22 гоолыг өрсөлдөгчийнхөө хаалганд оруулсан. Мөн “Аваргуудын лиг”-ийн аварга цолыг түрүү улиралд хүртсэн билээ.

Өнөө цагийн хамгийн тэгш тоглогчдын нэг А.Ди Мария аль ч багт тоглосон хэрэгтэй гэж Л.Ван Гаал хэлсэн аж. Үүний тод жишээ нь Аргентин 2014 оны дэлхийн аваргад мөнгөн медаль хүртсэн юм. Мария 2008 оноос “Цагаан цэнхэрүүд”-ийн төлөө 53 тоглолтонд оролцож 11 гоол хийжээ. Аргентин 2007 онд 20 хүртэлх насны дэлхийн аваргад түрүүлж, 2008 оны Бээжингийн Олимпоос алтан медаль авахад түүний оруулсан хувь нэмэр маш их байсан гэдгийг багийн нөхөд нь магтан хэлжээ.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.