"Хаадын өвчтэй" Ким Жөн Ун олны өмнө гарч иржээ

Twitter Print
2014 оны 10-р сар 14-нд 11:09 цагт
Мэдээний зураг,

БНАСАУ-ын удирдагч Ким Жөн Ун өнгөрсөн есдүгнээр сарын 3-наас хойш сураггүй алга болоод яг 40 өдрийн дараа олны өмнө үзэгдсэн гэнэ. Гэхдээ хөдөлгөөн дэмжих хэрэгсэлтэй явж байсан юм байх. Тэрээр саяхан байгуулагдсан Умард Солонгосын шинжлэх ухааны Академийн байгалийн эрчим хүчний хүрээлэнгийн барилга, эрдэмтдэд зориулсан орон сууцны шинэ хороололыг үзэж сонирхож явахад нь зургийг нь дарсан аж.

Умард Солонгосын цахилгаан мэдээний агентлагаас мэдээлсэнээр, Ким Жөн Ун шинэ барилгын ажилтай танилцаад барилгачдын мэргэжлийн ур чадварыг өндөр үнэлсэн төдийгүй "Манай эрдэмтэд аугаа хүчирхэг ард түмний баялаг бүтээн байгуулалтад амьдралаа зориулж яваа эх орончид" хэмээн онцдон магтаад, эрдэмтэд төрийн халамж, анхаарал дор байдаг улс, тэдэнд юуг ч харамгүй зориулах ёстой гэж тэмдэглэсэн аж.

Цахилгаан мэдээний агентлаг харин Ким Жөн Уны эрүүл мэндийн талаар ямар нэгэн мэдээлэл өгөөгүй байна. Тус агентлагийн Twitter хуудсанд тавьсан гэрэл зураг дээр удирдагч, хөдөлгөөн дэмжих ямар ч хэрэгсэлгүй харагдаж байгаа аж.

Өнгөрсөн есдүгээр сарын сүүлээр Умард Солонгосын Төв телевизээр залуу удирдагчийн эрүүл мэнд дордсон тухай мэдээлэл өгч, доголж явааг нь харуулсан бичлэг гаргахдаа "Манай маршал, өөрийнхөө эрүүл мэндийг үл хайхарч, ард түмнээ удирдах замд галын халуун урсгал мэт урагшилж явна" гэх тайлбар уншиж байсан бол одоо умардын засгийн газрын төлөөлөгчид уг мэдээллийг няцааж байгаа аж.

Их удирдагчдынхаа эрүүл мэндийн байдал, сул талыг олны нүднээс нууж ирсэн Умард Солонгосын хэвлэл мэдээлэл харин Ким Жөн Уны доголж явааг яагаад үзүүлсэн нь одоо оньсого болон үлдэж байна. Хэвлэл мэдээлийнхэний тааварлаж байгаагаар бол удирдагч саяхан цус харвасан байж болзошгүй аж.

Ким Жөн Уны шээсний хүчил талсжиж байгаа учир хурц артрит, судасны бөглөрөл үүсгэж болзошгүй. Ийм өвчнийг анагаах ухаанд "хаадын өвчин" хэмээн нэрийддэг бөгөөд хангалуун амьдралтай, хөдөлгөөн багатай хүмүүс нэрвэгддэг гэж үздэг байна.

Сэтгүүлч Л.Отгонбат

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.