Өнгөрсөн онд БНХАУ-д олон мянган километр урт хурдан галт тэрэгний замыг байгуулж ашиглалтад оруулжээ. Тэдгээрийн нэг нь Бээжин-Жанчхүү-Хөх хотын чиглэлд зорчиж эхэлсэн хурдан галт тэрэгний шинэ үйлчилгээ юм.
Өнгөрсөн оны 12-р сарын 30-ны өдөр галт тэрэгний хөдөлгөөнийг нээснээр өмнө нь Бээжин хүртэл ердийн цахилгаан галт тэрэгээр 8 цаг гаруй зорчдог байсныг ердөө 2 цаг хагас болгон эрс товчлох боломжтой болжээ. Хөх хотоос өглөөний 07:00 цагаас оройн 21:00 цаг хүртэл эхлэн оргил цагт 30 минутын зайтай, өдрийн цагаар 1:30 минутын зайтайгаар нийт 17 удаа хурдан галт тэрэг Хөх хотын “East Railway station“ галт тэрэгний буудлаас зорчиж байгаа юм байна.
Уг хурдан галт тэрэгээр зорчих билетийн үнийг танилцуулбал:
1. Бизнес ангиллын суудал: 521-630 юань буюу $76-$90;
2. Нэгдүгээр зэрэглэлийн суудал: 261-320 юань буюу $38-$40 ам доллар;
3. Хоёрдугаар ангиллын суудал: 174-210 юань буюу $25-$30 ам доллар юм байна.
Галт тэрэгний тасалбарыг дор дурьдсан хаягаар орж, өөрийн зорчих өдөр, цагийг сонгон урьдчилан захиалах, худалдан авах боломжтой. УБ - Хөх хотын хооронд нислэг үйлдэж буй Аэро-Монголиа компанийн нислэгийн тийз нэг талдаа 400,0 мянга төгрөг гэж тооцвол дунджаар $200 ам доллараар, нэг өдрийн дотор УБ-аас Бээжин хүртэл зорчих шинэ боломж нээгдэж байна. (УБ-Бээжин, Бээжин-УБ чиглэлийн нислэгийн тийз олдоц ховор, ачаалал их үед сонгож болох хувилбар)
Эх сурвалж: Travelguidechina.com
Д.Ананд
Энэ мэдээ танд таалагдаж байвал LIKE хийгээрэй. Танд баярлалаа.
