Л.Адриано “Аваргуудын лиг”-ийн түүхэнд нэрээ үлдээлээ

Twitter Print
2014 оны 10-р сар 23-нд 10:47 цагт
Мэдээний зураг,

Европын хөлбөмбөгийн холбооны хамгийн нэр хүндтэй тэмцээн “Аваргуудын лиг”-ийн шинэ улирал сонирхолтой өрнөж байна. 22-ны шөнө Украйны “Шахтёр” Беларусийн “БАТЭ”-г талбай дээр нь 7:0-ээр шүүрдсэн. Энэ тоглолтын баатар нь Бразил хөлбөмбөгч Л.Адриано байлаа. “Шахтёр”-ын довтлогч 28, 37, 40, 44, 87 дахь минутанд таван гоол оруулсан. Түүнээс өмнө 2011-2012 оны улирлын хасагдах шатанд Аргентины шигшээ болон “Барселона”-гийн Л.Месси “Байер Ливеркузен”-ы хаалганд таван гоол оруулсан түүхтэй.

Дэлхийн шилдэг хөлбөмбөгчнөөр дөрвөн удаа тодорч байсан алдарт Л.Мессигийн амжилтыг давтсан Л.Адриано 1987 оны дөрөвдүгээр сарын 12-нд Бразилийн Порту-Алгери хотод төржээ. Тэрээр улсынхаа “Интернасьонал” багаас тамирчны замналаа эхэлж 2007 онд уурхайчдын “Шахтёр” клубт ирсэн байна. Улмаар 2009-2010 онд 17 гоол, 2010-2011 онд 20 гоол, харин 2013-2014 оны улиралд 20 гоолыг өрсөлдөгч багийнхаа хаалганд оруулж байв. Порту Алгери хот хэзээнээс хөлбөмбөгчдөөрөө алдартай билээ. Энэ нутгаас 2004, 2005 оны дэлхийн шилдэг хөлбөмбөгч, 2002 оны дэлхийн аварга, 2006 оны “Аваргуудын лиг”-ийн аварга, 1999 оны “Копа Америка”-гийн аварга болж байсан Роналдиньо төрөн гарсан юм.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.