О.Гүндэгмаа дэлхийн цомын шигшээ тэмцээнээс тав дахь медалиа хүртлээ

Twitter Print
2014 оны 10-р сар 24-нд 08:17 цагт
Мэдээний зураг,

Азербайжан улсын Габала хотод болж байгаа буудлагын "Дэлхийн цом"-ын шигшээ тэмцээнд оролцож буй хөдөлмөрийн баатар, гавъяат тамирчин О.Гүндэгмаа 25 метрийн спорт гар бууны дасгалд мөнгөн медаль хүртлээ.

Дэлхийн шилдэг 11 мэргэн буудагч энэ дасгалд өрсөлдсөнөөс манай тамирчин 583 оноогоор 3-р байраар финалд шалгарч, улмаар хагас шигшээд 21 оноо авснаар аваргын төлөө буудах эрхтэй болсон юм. Алтан медалийн төлөөх буудлагад Германы буудагч, "Дэлхийн цом"-ын аварга Моника Каршч 7:3-аар түрүүлж, Хятадын буудагч, Дэлхийн аварга, Азийн наадмын аварга Зиан Жинзин хүрэл медаль хүртсэн байна.

Олимпийн мөнгөн медальт О.Гүндэгмаа өмнө нь "Дэлхийн цом"-ын финалын тэмцээнээс 1 алт, 3 хүрэл медаль хүртэж байсан бол ийнхүү анх удаа мөнгөн медалийн эзэн боллоо. 2014 онд О.Гүндэгмаа буудлагын дэлхийн аварга, дэлхийн цомын финал, дэлхийн цом, азийн наадмаас 1 алт, 3 мөнгө, 2 хүрэл, нийт 6 медаль баг болон хувийн төрөлд авсан амжилт үзүүллээ.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.