Орос эмч америк өмгөөлөгчийг чадсан нь...

Twitter Print
2021 оны 10-р сар 14-нд 13:36 цагт
Мэдээний зураг,

АНУ-д цагаачлан ирсэн нэг орос эмч мэргэжлээрээ ажилд орох гэж хөөцөлдсөн боловч бүтээгүй тул хувийн эмнэлэг нээхээр шийдэж гэнэ. Үйлчлүүлэгчдийг татахын тулд тэрээр үүдэндээ “Та манай эмнэлгээр $20-оор эмчлүүлээд өвчин чинь бүрэн эдгэрсэн тохиолдолд $100 буцааж аваарай” гэсэн рекламны самбар хадаж гэнэ.

Нэг өмгөөлөгч (америк нөхөр) тэр рекламыг нь үзээд $100 доллар хялбархан олчих санаатай мөнөөх эмч дээр ирэв. Тэдний хооронд ийм яриа өрнөсөн байна:

Өмг: Эмч ээ, би ямар ч амт мэдрэхээ байгаад байна.

Эмч: Сувилагч аа, 22 дугаартай хайрцганд байгаа эмнээс энэ хүний аманд 3 дусал дусаагаад өгөхгүй юу.

Өмг: Паах... энэ чинь керосин байна ш дээ!

Эмч: Баяр хүргэе! Таны амтлах мэдрэмж сэргэв бололтой. Та $20 төлнө үү.

Өмгөөлөгч мөнгөө дуртай дургүй төлсөн хэдий ч төлсөн мөнгөө тав нугалан эргүүлж авахаар хэд хоногийн дараа буцаад ирэв гэнэ.

Өмг: Эмч ээ, би ой санамжаа алдчихлаа, юу ч санадаггүй.

Эмч: Сувилагч аа, 22 дугаартай хайрцганд байгаа эмнээс энэ хүний аманд 3 дусал дусаагаад өгөхгүй юу.

Өмг: Энэ нөгөө керосин байна ш дээ. Намайг эртээд ирэхэд та өгсөн шүү дээ!

Эмч: Баяр хүргэе! Таны ой санамж сэргэчихлээ. Та $20 төлнө үү.

Өмгөөлөгч мөнгөө ихэд ууртайгаар төлсөн ч “алдсан” мөнгөө олж авахаар долоо хоногийн дараа буцаа ирэв.

Өмг: Эмч ээ, миний хараа муудав бололтой... Би бараг юм харахаа байлаа.

Эмч: Харамсалтай нь би нүд эмчилдэггүй л дээ. Та энэ $100-аа ав даа...

Өмг: (Эмчийн өгсөн дэвсгэртийг харснаа): Үгүй энэ чинь $100 биш, $20-ын л дэвсгэрт байна шүү дээ!

Орчуулсан: Өлзийбатын Уянга

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.