Үнэр. Хүн нэг үнэрээ удаан үнэрлэвэл дасаад мэдрэхээ больчихдог тул өөрийнхөө үнэрийг тэр бүр сайн мэдэхгүй байх талтай. Бас үнэр өөрөө хүний ой санамжинд маш тод үлддэг. Нэг л үмхий гээд бодчихвол дараа нь хичнээн сайхан үнэртэй болсон ч анхны сэтгэгдэл тэр чигтээ "үмхий хүн" гэдэг шошго хадагдан сэтгэлд үлдээд тогтчихдог нь харамсалтай.
Японд 25-49 насны 1117 хүн дээр туршилт хийхэд үмхий үнэр ханхлуулсан хүн 100 оноо авахаас ердөө 46 оноо авсан. Өөр нэг судалгаагаар эмэгтэйчүүд эрчүүдийн үсээ засуулсан, нүдний шилээ авчихсан, шинэ брэнд хувцас өмссөн зэргээс гоё үнэрт нь сэтгэл хөдөлж дурласан гэсэн үр дүн гарчээ. Тэгэхээр үнэр ажил амжилт харилцаа зэрэгт маш их нөлөөлдөг байх нь.
Эрчүүдийг бодвол эмэгтэйчүүд үнэрийг сайн мэдэрдэг. Жирэмсэлж хүүхэд төрүүлж өсгөдгөөрөө аль болох эрүүл эрэгтэйг сонгох байгалиасаа өгөгдөлтэй учраас үнэрлэх чадвар нь хөгжсөн байдаг. Эвгүй муухай үнэр нь эрүүл бус ямар нэгэн өвчтэйг илэрхийлдэг гэж үздэг.
Үнэртэй ус, янз бүрийн цацлага, бохь гаа зэргээр түр дарах гэхээсээ эрүүл мэндийн урьдчилан сэргийлэх үзлэгт хамрагдах, амьдралын зөв хэвшилтэй байх, чанартай сайн нойр болон хооллолттой байх нь эвгүй үнэргүй байх үндэс болдог байгаа шүү.
Н.Мөнхгэрэл
Энэ мэдээ танд таалагдаж байвал LIKE хийгээрэй. Танд баярлалаа.
