Хятадын тэрбумтныг хулгайлахыг завджээ

Twitter Print
2020 оны 06-р сар 16-нд 12:25 цагт
Мэдээний зураг,

Хятадын хамгийн баян хүмүүсийн нэг, гэр ахуйн цахилгаан бараа үйлдвэрлэлээрээ дэлхийд тэргүүлэгч Midea группыг үүсгэн байгуулагч Хи Шяньжаныг хулгайлахыг завдсан хэргээр 5 хүнийг баривчилжээ.

Өнгөрсөн ням гарагт Хятадын Гуандон мужийн Фошань хотод байрлах Хи Шяньжаны эдлэн руу тэсрэх төхөөрөмж барьсан сэжигтэй этгээдүүд дайран орсон талаарх дуудлага цагдаагийн газарт иржээ. Хи Шяньжаны хүү 55 настай Хи Жяньфэн сэжигтэй этгээдүүд гэрт нь орж ирэх үед гэрээсээ нууцаар гарч, эдлэнгийнхээ хажуугаар урсах голыг сэлж гатлан, тусламж дуудсан аж. Фошань хотын цагдаагийн газраас мэдээлж байгаагаар Хи Шяньжаныг хулгайлахыг завдсан хэргээр 5 хүнийг баривчлан, шалгаж байгаа аж.

Форбс сэтгүүлээс гаргасан судалгаагаар 24.8 тэрбум ам. долларын хөрөнгөтэй Хи Шяньжан нь Хятадын хамгийн баян хүмүүсийн жагсаалтын 6д, дэлхийн хамгийн баян хүмүүсийн жагсаалтын 36д бичигддэг аж. Тэрээр 1968 онд 26 настайдаа Майдиа Группыг үүсгэн байгуулжээ. Майдиа групп нь анх лонхны бөглөө болон автомашины сэлбэг хэрэгсэл үйлдвэрлэдэг байсан бол өнөөдөр тус компани гэр ахуйн цахилгаан бараа, агааржуулагч үйлдвэрлэлтээрээ дэлхийд тэргүүлэгчдийн нэг болжээ.

Chinese billionaire rescued after being held hostage with family ...

Түүнчлэн Майдиа групп нь дэлхийн хамгийн том роботын технологийн Кука компанийг эзэмшдэг аж. South China Morning Post сонинд бичсэнээр Хи Шяньжан нь Хятадын бусад тэрбумтнуудтай харьцуулахад олон нийтийн анхаарлаас хол байдаг ба хэрэг явдал гарснаас хойш Хи Шяньжан болон түүний тансаг эдлэн газар, хөрөнгө мөнгө олны анхаарлыг татаж эхэлжээ.

Хятадын нийгмийн сүлжээгээр иргэд тэрбумтан Хи Шяньжанд тохиолдсон явдал яг л Холливудын кино зохиол шиг байсан хэмээн зарим хэрэглэгчид коронавирусын цар тахалтай холбоотойгоор эдийн засаг хямарснаас болж зарим иргэд ийнхүү гэмт хэрэг үйлдэхэд хүрээд байгаа тухай ч бичжээ. Болсон хэрэг явдалтай холбогдуулан Майдиа Группын төв байрны ажилчдад нэг өдрийн чөлөө олгож, компанийн зүгээс эрсдлийн үнэлгээ хийж байгаа гэдгээ мэдэгджээ.

Эх сурвалж: BBC

Содномцэрэнгийн Энхзаяа 

mongolcom.mn 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.