Коронавирусын цар тахал улс орнуудын эрүүд мэндийн салбарт хүндээр нөлөөлсөн ба уг вирусын халдварын улмаас 2020 оны 1-р сараас 2021 оны 5-р сарын хороонд тухайн салбарт ажилладаг 80 000-180 000 хүн нас барсан талаар ДЭМБ онцолж байна.
ДЭМБ-ын Ерөнхий нарийн бичгийн дарга Тедрос Гебрейсус эрүүл мэндийн ажилчдыг коронавирусын эсрэг вакцинд нэн тэргүүнд хамруулах ёстойг анхааруулж, зарим улс орнуудад коронавирусын эсрэг вакцины хүртээмж эрх тэгш бус байгааг буруушаажээ.
ДЭМБ-ын ахлах мэргэжилтэн Жереми Хесс хөгжиж буй орнууд хүн амаа коронавирусын эсрэг вакцинд хамруулах ажлаа эрчимжүүлэхээс нааш коронавирусын цар тахал 2022 онд ч үргэлжлэх эрсдэлтэй байгааг сануулж, өндөр хөгжилтэй орнууд орлого багатай орнуудад коронавирусын эсрэг вакцин хандивлах хэрэгтэй байгааг онцолсон юм.
Дэлхийн эрүүл мэндийн салбарт ойролцоогоор 135 сая хүн ажилладаг ба дэлхийн 119 оронд хийгдсэн судалгаагаар эрүүл мэндийн салбарын 5 ажилтан тутмын 2 нь коронавирусын эсрэг вакцинд бүрэн хамрагджээ.
Нөгөөтэйгүүр улс орнуудад дээрх үзүүлэлт янз бүр байгаа ба өндөр орлоготой орнуудад эрүүл мэндийн салбарын 10 ажилтан тутмын 8 нь коронавирусын эсрэг вакцинд бүрэн хамрагдсан гэж гарсан бол Африк тивд 10 ажилтан тутмын 1 нь л вакцинд хамрагджээ.
Эх сурвалж: BBC
Содномцэрэнгийн Энхзаяа
mongolcom.mn
Энэ мэдээ танд таалагдаж байвал LIKE хийгээрэй. Танд баярлалаа.
